CHORSHANBA, 2025.06.25, 10:41
SMS SHERLAR, SMS TABRIKLAR, SMS SEVGI WWW.SHERLAR.UZ
Приветствую Вас MEXMON | RSS
[ Новые сообщения · Участники · Правила форума · Поиск · RSS ]
Модератор форума: AnDiJoNLiK_BeZoRi  
SHERLAR.UZ/FORUM/ O`ZBEKISTONDA 1 RAQAMLI FORUM » Umumiy bo'lim / Общий раздел » She'riyat olami / Мир стихов » ♥ ♥ ♥ ღ★♡♡vatan sheri ♡♡ ღ★♥ ♥ ♥ (♥ ♥ ♥ ღ★♡♡KrUtOy_XoNiM ♡♡ ღ★♥ ♥ ♥)
♥ ♥ ♥ ღ★♡♡vatan sheri ♡♡ ღ★♥ ♥ ♥
ZaLaTaYa_DeVcHoNkAДата: YAKSHANBA, 2012.04.08, 04:43 | Сообщение # 51
Группа: Удаленные





Talpingan diyorim, u - O’zbekiston!
Sehrini aytishga bormi hech imkon!
Yo‘q, o‘zga yurtlarda berolmasman jon,
Meni olib keting o‘z diyorimga.
 
ZaLaTaYa_DeVcHoNkAДата: YAKSHANBA, 2012.04.08, 04:43 | Сообщение # 52
Группа: Удаленные





Qutlug‘ davralarda jam bo‘lgan mahal,
Do‘stlarga baxt tilash azaliy odat.
Keladigan bu yil tinch bo‘lsin avval,
Baxsh etsin har kimga oliy saodat.
 
ZaLaTaYa_DeVcHoNkAДата: YAKSHANBA, 2012.04.08, 04:44 | Сообщение # 53
Группа: Удаленные





Yoshlik - bu karvonning erka noridir,
Daryoday toshqindir, jilg‘a kabi sof.
Yoshlik - kelajakning xaloskoridir,
Sira tark etmasin yoshlikni insof.
 
ZaLaTaYa_DeVcHoNkAДата: YAKSHANBA, 2012.04.08, 04:44 | Сообщение # 54
Группа: Удаленные





Mo‘’tabar onalar - xonamiz ko‘rki,
Otalar hayotdir - yorug‘dir jahon.
Tiriklik nomiga bir o‘tinch shulki,
O’rtaga tushmasin bemahal hijron.
 
ZaLaTaYa_DeVcHoNkAДата: YAKSHANBA, 2012.04.08, 04:44 | Сообщение # 55
Группа: Удаленные





Inju diyorimiz ko‘z bo‘lsa agar,
Mudom omon bo‘lsin to‘garak zamin.
Boshimiz silagan shu xalq mo‘’tabar,
Daf’atan chekmasin farzandlar dog‘in.
 
ZaLaTaYa_DeVcHoNkAДата: YAKSHANBA, 2012.04.08, 04:44 | Сообщение # 56
Группа: Удаленные





Yangi yil sha’niga aytmoqdamiz so‘z,
Balki o‘tib ketar bir zum bu farah.
Xalqimning mehnatin aylagin ko‘z-ko‘z
Million chanoqlarda ko‘pirgan qadah.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 57
Группа: Удаленные





Har qanday lashkarning ham
O’z tug‘i, yalovi bor,
Sen qaysi saltanatdan,
Sen qaysi davlatdan kam.
Qo‘rg‘onlar qatorida
Bir qo‘rg‘onsan ustuvor,
Vallamat, tug‘dor yurtim,
Muhtasham Respublikam.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 58
Группа: Удаленные





O’ylayman, ha, olamda
Nisbiy erur ko‘p holat,
Zamona g‘alviridan
Har narsa o‘taverar.
Tarix uchun va lekin
Kim ham bergay kafolat,
Yakka inson bir yo‘lchi:
Kelaru ketaberar.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 59
Группа: Удаленные





Qadim-qadim zamonda
Yunonlik haykaltarosh,
Bir san’at yaratibdi,
Maqsadi - bir burda non.
Haykal esa asrlar
Sinoviga bermish dosh,
Bugun uni ko‘klarga
Ko‘tarar butkul jahon.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 60
Группа: Удаленные





Ko‘zni kattaroq ochib
Boqsang bu muammoga,
Alam qilgulik qadar
Kam yashar inson zoti,
Faqatgina xalq sohib
Bardavom bu dunyoga,
Asragay har kas nomin
Faqat xalqning hayoti.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 61
Группа: Удаленные





Sanasang hodisot mo‘l
O’zbekning tarixida,
Har biriga bir noma
Yoki doston bitgulik.
Ne zotlar oqmagan bu
Asrlar arig‘ida,
Har biri bitta xalqning
G‘ururiga yetgulik.
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 62
Группа: Удаленные





Barchaga ayon erur
Men aytgan ushbu gaplar,
To hanuz asablarni
Ezg‘ilar bu shum o‘tmish.
Moziyga o‘qtin-o‘qtin
Sochsak hamki g‘azablar,
Lekin ayting, o‘zbekning
Qo‘lidan kim ham tutmish?
 
ZaLaTaYa_DeVcHoNkAДата: YAKSHANBA, 2012.04.08, 04:45 | Сообщение # 63
Группа: Удаленные





Bir kuni yovqur shoir
Ya’ni Turdi Farg‘oniy,
Bo‘ltak bo‘lgan bu xalqqa
Birlash deb qildi xitob.
Bejavob qolaberdi
Uning dardli so‘rog‘i,
O’sha-o‘sha zamin kar,
O’sha-o‘sha gung oftob.
 
ZaLaTaYa_DeVcHoNkAДата: YAKSHANBA, 2012.04.08, 04:46 | Сообщение # 64
Группа: Удаленные





Bugun zimdan nazar sol
Sen mana bu bayroqqa,
Mayliga bir daqiqa
Unutgin turfa kekni.
Shu bayroq nomimizni
Eltdi yiroq-yiroqqa,
Shu bayroq birlashtirdi
Parokanda o‘zbekni.
 
ZaLaTaYa_DeVcHoNkAДата: YAKSHANBA, 2012.04.08, 04:46 | Сообщение # 65
Группа: Удаленные





Aylayin qalbimni tortiq nurli bo‘stonim, senga,
Sen vatandirsan, fidodir tanda bu jonim senga.

Bebahosan, asragayman gavharim, deb men seni,
Sen qarog‘ bo‘lsang agarda, sadqa mujgonim senga.

Sendan ayru dam uzundir, lahzalar ham yilga teng,
Bir umrga lek barobardir kerak onim senga.

Har bir ahling bitta yulduz, kavkabistonim o‘zing,
To hayotdirman, charog‘im, shu’layi shonim senga.

Yoru do‘stlar jam bo‘libdir, to‘y qilur o‘zbek elim,
Men degayman xush kelibsan, do‘stu mehmonim, senga.

Xizmatingga shay erurman, mehnatingda ham o‘zim,
Baxtiyorman, sarf etolsam borki imkonim senga.

Dilda borim sen uchundir, qo‘lda torim sen uchun,
Qayda bo‘lsam talpinurman, O’zbekistonim, senga.
 
ZaLaTaYa_DeVcHoNkAДата: YAKSHANBA, 2012.04.08, 04:46 | Сообщение # 66
Группа: Удаленные





Agar do‘stlar erur sodiq bir-birin qiyratib bo‘lmas,
Agar qilg‘il necha fitna alarni ayratib bo‘lmas.
Demishlar: moru qushni bir qafasda asratib bo‘lmas,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
 
ZaLaTaYa_DeVcHoNkAДата: YAKSHANBA, 2012.04.08, 04:46 | Сообщение # 67
Группа: Удаленные





Vatan deb men bayon qildim, ayo do‘stlar, muxammasni,
Vatanni kim ulug‘ bildi, aziz bildim men ul kasni.
Vatan deb jo‘sh urar ersa ko‘targum boshima xasni,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas
 
ZaLaTaYa_DeVcHoNkAДата: YAKSHANBA, 2012.04.08, 04:46 | Сообщение # 68
Группа: Удаленные





Nadomat birla boqg‘ayman vatansizlarga har doim,
Egib boshini zor yig‘lar, agarchi davlati qoyim,
Faqir bo‘lsam-da bor yurtim - toju taxtim, borar joyim.
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
 
ZaLaTaYa_DeVcHoNkAДата: YAKSHANBA, 2012.04.08, 04:47 | Сообщение # 69
Группа: Удаленные





Bobolar kechmishin hargiz faromush aylamang, do‘stlar,
Haqiqat tongi otganda ani tush aylamang, do‘stlar,
Agar kim e’tiqodsizdur, ani xush aylamang, do‘stlar,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
 
ZaLaTaYa_DeVcHoNkAДата: YAKSHANBA, 2012.04.08, 04:47 | Сообщение # 70
Группа: Удаленные





Diyorim O’zbekistondur, ki andin iftixorim bor,
Demakkim, hur adolatlig‘, davlati barqarorim bor,
Onamdek mehribon, munis Vatan bor, g‘amguzorim bor,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
 
ZaLaTaYa_DeVcHoNkAДата: YAKSHANBA, 2012.04.08, 04:47 | Сообщение # 71
Группа: Удаленные





Vatan, sen hur, yo‘ling shonli, qadamni tashlagin shaxdam,
Faxr-la boqg‘ay Abdullo, ko‘zida shodligidan nam
Panohingni tilab Haqdin dilida iltijo har dam,
Vatandan ayri ko‘ngilni bilingki, yayratib bo‘lmas.
Baayni bandi bulbulni chamansiz sayratib bo‘lmas.
 
ZaLaTaYa_DeVcHoNkAДата: YAKSHANBA, 2012.04.08, 04:47 | Сообщение # 72
Группа: Удаленные





Keng jahon bir qadam bo‘ldi men uchun,
Menga ham ochildi olam darchasi.
Yiroq Amriqoda taft sochar bu kun.
O’zbek quyoshining olov parchasi.
 
ZaLaTaYa_DeVcHoNkAДата: YAKSHANBA, 2012.04.08, 04:47 | Сообщение # 73
Группа: Удаленные





Ochildi men uchun tor osmon bekam,
Kezdim yuksaklikning cho‘ng darg‘asini.
O’zbekning lochini ozod va ko‘rkam,
Qurdi bu yerda ham qo‘nalg‘asini.
 
ZaLaTaYa_DeVcHoNkAДата: YAKSHANBA, 2012.04.08, 04:48 | Сообщение # 74
Группа: Удаленные





Ochildi men uchun tor osmon bekam,
Kezdim yuksaklikning cho‘ng darg‘asini.
O’zbekning lochini ozod va ko‘rkam,
Qurdi bu yerda ham qo‘nalg‘asini.
 
ZaLaTaYa_DeVcHoNkAДата: YAKSHANBA, 2012.04.08, 04:48 | Сообщение # 75
Группа: Удаленные





Men bechora bir odamman,
Ertangi kunim,
Ne bo‘lishin bilmaydigan ojiz bandaman.
Yeru osmon o‘rtasida topmagan qo‘nim,
Botinimda botmon toshu zohir xandaman.
 
SHERLAR.UZ/FORUM/ O`ZBEKISTONDA 1 RAQAMLI FORUM » Umumiy bo'lim / Общий раздел » She'riyat olami / Мир стихов » ♥ ♥ ♥ ღ★♡♡vatan sheri ♡♡ ღ★♥ ♥ ♥ (♥ ♥ ♥ ღ★♡♡KrUtOy_XoNiM ♡♡ ღ★♥ ♥ ♥)
Поиск:

2025 yil mamlakatimizda “Mustahkam oila yili”
Хостинг от uCoz