"Кўнглим ёҳуд ИШҚ ЭРТАГИ" китобидан лавҳалар! - SHERLAR.UZ/FORUM/ O`ZBEKISTONDA 1 RAQAMLI FORUM

[ Новые сообщения · Участники · Правила форума · Поиск · RSS ]

Страница 1 из 3 1 2 3 »
Модератор форума: AnDiJoNLiK_BeZoRi

"Кўнглим ёҳуд ИШҚ ЭРТАГИ" китобидан лавҳалар! (М. Пардаеванинг шу номли китоби Рес, киоскаларида сотувда!)

"Кўнглим ёҳуд ИШҚ ЭРТАГИ" китобидан лавҳалар!

Muhabbat07

Дата: DUSHANBA, 2012.03.12, 12:05 | Сообщение # 1

Группа: Удаленные

Ўқинг, баҳоланг ва фикр билдиринг. Сизнинг фикрингиз мен учун муҳим !

Muhabbat07

Дата: DUSHANBA, 2012.03.12, 12:06 | Сообщение # 2

Группа: Удаленные

Кўнглим

Бир бор боқмай кетди ортига,
Шунча арзон бўлдими севгим.
Қўй куймагин вафосизларга,
Қўй йиғлама ҳокисор кўнглим.
Кўнглим, кўнглим, ҳокисор кўнглим:
Қўй йиғлама, ҳокисор кўнглим.

Майли озор бериб кетсалар,
Сўлдирмагин қўлдаги гулим.
Ўксиб-ўксиб, тўлғониб тунлар,
Юрак эзиб, йиғлама кўнглим.
Кўнглим, кўнглим, йиғлама кўнглим,
Юрак эзиб йиғлама кўнглим.

Умид бериб “келади” дебон,
Ўзни алдаб ўтасан билгум.
Қадринг билмас бевафоларни,
Қачонгача кутасан кўнглим.
Кўнглим, кўнглим, кутасан кўнглим,
Қачонгача кутасан кўнглим.

Нигоҳларинг уни излайди,
Этсаларда бағрингни тилим.
Эсламасни эслаб нетасан,
Унутганни унутгин кўнглим.
Кўнглим, кўнглим, унутгин кўнглим,
Унутганни унутгин кўнглим.

Мажнунтолдек эгилма кўнглим,
Хазон гулдек тўкилма кўнглим.
Бевафодан вафолар кутиб,
Бағринг эзиб ўкинма кўнглим.
Кўнглим, кўнглим ,ўкинма кўнглим,
Бўлди етар тўкилма кўнглим.

Муҳаббат пардаева

Muhabbat07

Дата: DUSHANBA, 2012.03.12, 12:07 | Сообщение # 3

Группа: Удаленные

Ишқ эртаги

Бир пайтлар мажнунтол,
Боши баланд бўлганкан.
Ишқ савдоси айлаб дол,
У эгилиб қолганкан.

Йигит-қиз ўғирлатиб,
Севги сабаб оромин.
Мажнунтолнинг тагида
Ўтказаркан оқшомин.

Уларнинг севгисига,
Мажнунтол гувоҳ эди.
Асраб ёмон кўзлардан
Уларга паноҳ эди.

Не бўптию, бир куни,
Қиз жуда кеч қолибди.
Йигитнинг юрагига,
Шайтон ғулу солибди.

Дебди: кеч қолмас эди,
Чунки сени севмайди.
Бу ахир нечанчиси?
Кутсанг ғурур қолмайди.

Қиз келганда, йигитчи,
Аллақачон кетибди.
Шу сабаб қиз юраги,
Аразлаб дарз кетибди.

“Телефон қилма”,- дер қизга
Шайтон ўртада ғараз.
Йигитча ҳам жим эди,
Чуқурлашибди араз.

Ўч олмоқ мақсадида,
Тутди қиз ўзга қўлин.
Йигит ҳам чидолмайин,
Топибди бошқа бирин.

Ўзгасин севолмасин,
Билар эди йигит ҳам.
Ёлғон ишқ-муҳаббатдан,
Қизнинг кўзи эди нам.

Қизнинг унашганини,
Йигит ногоҳ билибди.
Чидолмайин аламга,
Ўзига тиғ урибди.

Билиб йигит аҳволин,
Дарди сиғмай юракка,
Қиз баланд томдан сакраб,
Сингиб кетти фалакка.

Оҳ, бу ишқнинг эртаги,
Фожеали битибди.
Асрашганди ғурурни,
Ғурурчи йиқитибди.

Йигит ва қиз севгиси,
Аслида тиниқ эди.
Уларнинг муҳаббатин
Фақат бир ғурур еди.

Битта чин севги учун,
Қилинг минг ғурур фидо.
Соф севгини йўқотмоқ-
Бу гуноҳдир, бу хато.

Бир пайтлар мажнунтол,
Боши баланд бўлганкан.
Ишқ савдоси айлаб дол,
У эгилиб қолганкан.
Муҳаббат пардаева

Muhabbat07

Дата: DUSHANBA, 2012.03.12, 12:08 | Сообщение # 4

Группа: Удаленные

Мени унут !!!

Кимлигини ошкор этиб, юзинг шувут,
Ўлаксага қўнмагайдир асло бургут.
Кўршапалак тун қўйнида чин маконинг,
Хиёнатинг қандай кечай? Мени унут!

Заҳар берсанг, менчи асал ичирардим,
Муҳаббатим юрагинга кўчирардим.
Неки қилсанг мен барини кечирардим,
Хиёнатинг қандай кечай? Мени унут!

Берган гулинг тиконликан, дилим тилди,
Аҳволимни сен билмадинг, билган билди,
Сени севган Муҳаббат йўқ, келма энди,
Хиёнатинг қандай кечай? Мени унут!

Оралаган тиконзоринг юзинг юлсин,
Хиёнаткор кўзларингни қарға ўйсин.
Ҳижронимда юраккинанг куйсин, куйсин,
Хиёнатинг кечирмайман, мени унут!!!

Муҳаббат Пардаева

Muhabbat07

Дата: DUSHANBA, 2012.03.12, 12:08 | Сообщение # 5

Группа: Удаленные

Куйди

Ёзай десам дардларимдан қоғоз куйди,
Вулқон порлаб юрагимда, бағрим ўйди.
Ёлғончи қиз келин бўлган тўй кечангда,
Зор йиғладим: бахтим куйди, бахтим куйди.

Чимилдиғинг кафанимдир, дордир тори,
Оҳларимнинг оташидан қуёш куйди.
Бевафо қиз келин бўлган тўй кечангда,
Тонг отмади: дунём куйди, дунём куйди.

Вужуд ёнди, руҳим ёнди –тутиб олов,
Тутошди-ю, ойу-юлдуз томом куйди.
Ўзга уйга келган бўлган тўй кечангда,
Менинг бирлан ўн саккиз минг олам куйди.

Муҳаббат пардаева

Muhabbat07

Дата: DUSHANBA, 2012.03.12, 12:09 | Сообщение # 6

Группа: Удаленные

Сўроқли дунё бу.

Саноқли дунё бу – беш кунлик дунё,
Сўроқли дунёдур – синовли дунё.
Қўлинга тутганинг бариси рўё,
Нени талашасан, айт бунда одам?

Борар йўлимизнинг охири аниқ,
Савоб-гуноҳимиз махшарда аниқ.
Тарозини бузма, ўлчови аниқ,
Нега адашасан, айт бунда одам?

Хокдансан, кибрнинг йўлини тутма.
Шайтонга дўст бўлиб, Ҳақни унутма.
Товба қилмасингдан ажрни кутма,
Сўроғида бағринг ўясан одам!

Тўплаган бойлигинг бари ўткинчи,
Қабрга етмасдан қўлдан кетгувчи
Манзилга сен ила иймон етгувчи
Ҳамроҳсиз кетсанг гар куясан одам!

Муҳаббат Пардаева

Muhabbat07

Дата: DUSHANBA, 2012.03.12, 12:09 | Сообщение # 7

Группа: Удаленные

Бир бор келинг хат ёзгунча

Ўзингизни эслатасиз қийнаб бунча,
Кўзларимдан уйқу қочар тонг отгунча.
Бир бор келиб ошиғингиз ҳолин сўранг,
Эрмак учун зериккандан хат ёзгунча.

“Кўзларингни соғиндим” деб ёд этасиз,
Ўзингизча гўё бизни шод этасиз.
Ошиқ йигит соғинчингиз не чоғлигин,
Кўрамизда... келганда исбот этасиз.

Соғинган ёр уйида тинч қандай ётар,
Ёзганингиз ўқийвериб энсам қотар.
Муҳаббатни ишонтирмоқ осон эмас,
Севаман деб хатлар ёзиб қатор-қатор.
Муҳаббат Пардаева

Muhabbat07

Дата: DUSHANBA, 2012.03.12, 12:10 | Сообщение # 8

Группа: Удаленные

Қандай унутай?

“Унут” дейсан бағримни ёқиб,
Сендан бошқа нени ҳам кутай.
Зумда кетган сувларга оқиб,
Ваъдаларинг қандай унутай.

Ота-онанг лойиқ кўрмаган
Ошиқ бўлдим, менгина ўлай.
Оқшомлари сочим силаган,
Бармоқларинг қандай унутай.

Бугун оқшом тўйинг бўларкан,
Юзимга тик айтдинг уялмай.
Гулзоримни ифорли этган,
Ҳидларингни қандай унутай.

Сени деган юраккинамни,
Қузғун есин, қайларга отай.
Оҳ, оташда ёққан танамни,
Лабларингни қандай унутай.

Кўкрагимга ханжардек ботган,
Кипригинга юракни тутай.
Маккоралик бекиниб ётган,
Кўзларингни қандай унутай.

Ёлғон..., азоб... – шу бўлса севги,
Қуриб кетсин, бас, ёлғиз ўтай.
Бўлган эдинг, жоним бўлаги,
Айтгин, жонни қандай унутай !?
Муҳаббат Пардаева

Muhabbat07

Дата: DUSHANBA, 2012.03.12, 12:10 | Сообщение # 9

Группа: Удаленные

Ёр-ёр

Бугун қўшни қишлоққа
Келин келди ёр-ёр,
Ёр устига ёр бўлиб,
Қай юз келди ёр-ёр?

Уйидаги муштипар
Дилхун йиғлар ёр-ёр,
Кўз ёшининг уволи,
Кимни тиғлар ёр-ёр?

Эпли қизни эп кўрмай,
Сеплисини олдилар.
Сепи экан орсизлик,
Вой-вой куйиб қолдилар.

Келин бола либоси,
Оқ бўлмасми ёр-ёр?
Қора кийса келинчак,
Гап бўлмасми ёр-ёр.

Либосининг қораси
Юзга урмуш ёр-ёр,
Юзи қаро келинчак
Қайда бормуш ёр-ёр.

Гар гул бўлса, гул бўлиб-
Ўз тенгини топарди,
Ёр устига ёр бўлмай,
Этагини ёпарди.

Қўл очади момолар,
Бети қурсин ёр-ёр,
Бир оилани тўзитган-
Тўзиб юрсин ёр-ёр.

Бугун қўшни қишлоққа
Келин келди ёр-ёр,
Ёр устига ёр бўлиб,
Қай юз келди ёр-ёр?

Муҳаббат Пардаева

Muhabbat07

Дата: DUSHANBA, 2012.03.12, 12:11 | Сообщение # 10

Группа: Удаленные

Айтишув

Ошиқ йигит қўшиғи:

Мен учун яралган ягона гулим,
Аммо олисларда бегона гулим,
Тақдир сени мендан айирмоқ истар,
Йўқ, бундай қисматга кўнмагай дилим,
Сени айрилиққа бермайман гулим.

Фарходман – бўлолдим қисматдан огоҳ,
Мажнунман – чўлларда адашган ногоҳ,
Тохирдек қисматга кўнолмайман, оҳ
Хижрон этди улар бағрини тилим,
Сени хижронларга бермайман гулим.

Тақдир занжирларин узиб келаман,
Сен учун баридан кечиб келаман.
Садоқат қасамин ичиб келаман,
Кечиргин, баъзида адашди йўлим,
Сени хатоларга бермайман гулим.

Англадим бир сени суйганман фақат,
Йўлларим адашса қилолдинг тоқат.
Мана ёнингдаман, келдим Муҳаббат
Ўзингсан менинг ёлғиз, ёлғиз севгилим,
Сени ёлғизликка бермайман гулим.

Жавоб:

Мен учун яралган ягона севгим,
Аммо олисларда бегона севгим,
Тақдир сизни мендан айирмоқ истар,
Қисматга ҳеч таслим бўлмайман бегим,
Сизни севмоқликни қўймайман бегим.

Ширинман , йўлларда кўзим нигорон,
Лайлиман-ку, мени енголмас ҳижрон.
Зуҳроман, қисматга кўнмайман бир он,
Ҳижронга ҳеч таслим бўлмагай севгим,
Бизни ажратолмас ҳижронлар бегим.

Қучоғим гулларга тўлдириб келинг,
Юракда армоним ўлдириб келинг.
Қалбимни шодликка тўлдириб келинг,
Сизсиз очилмагай боғдаги гулим,
Дунёни тўлдиринг нурга севгилим.

Севги билан жоним дунё чиройли,
Сизла ҳаётимнинг тонги чиройли.
Кунларимнинг бўлди ранги чиройли,
Сизсиз гулзоримда сўлмасин гулим,
Ёлғиз қўйманг мени, жоним севгилим.

Муҳаббат Пардаева

Muhabbat07

Дата: DUSHANBA, 2012.03.12, 12:11 | Сообщение # 11

Группа: Удаленные

Қандай севай?

Интизор кутсам йўлинг,
Ўзгага тутдинг гулинг.
Яна келибди кўргинг,
Айт сени қандай севай?

Дилдан кетса диёнат,
Пайдо экан хиёнат.
Севги бунда хижолат,
Айт сени қандай севай?

Бошингни уриб тошга,
Ёнимга келма бошқа.
Ишонмайман кўз ёшга ,
Айт сени қандай севай?

“Юриш”ни қибсан ҳунар,
Бундайларга ким кўнар.
Муҳаббат қасос сўрар,
Айт, сени қандай севай ?
Муҳаббат Пардаева

Muhabbat07

Дата: DUSHANBA, 2012.03.12, 12:12 | Сообщение # 12

Группа: Удаленные

Ҳамон борсиз хаёлларимда

Менга насиб этмаган севгим,
Ҳамон борсиз хаёлларимда.
Хотиралар – содиқ йўлдошим,
Асраяпман юракларимда.

Яшаяпсиз хаёлим бўлиб,
Менинг ҳар бир нигоҳларимда.
Гоҳо исён, гоҳ туғён бўлиб,
Борсиз ҳатто гуноҳларимда.

Баъзан соғинч, баъзан ҳижронсиз,
Тугатгувчи адоларимда,
Баъзан алам, баъзан армонсиз,
Топмаганим хатоларимда.

Оҳ, баъзида муҳаббат бўлиб,
Ширин оташ титроқларимда,
Баъзан эса нафратим бўлиб,
Яшаяпсиз қийноқларимда.

Менга насиб этмаган севгим,
Ҳамон борсиз фироқларимда.
“Бахтмиди ё бахтсизлик?” дея
Сўралгувчи сўроқларимда.
Муҳаббат Пардаева

Muhabbat07

Дата: DUSHANBA, 2012.03.12, 12:12 | Сообщение # 13

Группа: Удаленные

Кулиб юр

Кўзи оҳу кийик қиз,
Кулиб юра-а, кулиб юр.
Айтмасанг ҳам бирор сўз,
Кулиб юра-а, кулиб юр.

Кулганингда гўзалсан,
Гўё бол-у, асалсан.
Қўшиғимга ғазалсан,
Кулиб юра-а, кулиб юр.

Сочинга жон бойланган,
Ўриб юр-а, ўриб юр.
Шўх қиз жонга айланган,
Кулиб юра-а, кулиб юр.

Қовоқ уйма, қиш бўлар,
Ошиғинг беҳуш бўлар.
Кулсанг кўнглим ҳуш бўлар,
Кулиб юра-а, кулиб юр.

Оҳу мисол қоматга,
Ташламасин сайёд тўр,
Қўриқчи бир аканга,
Кулиб юра-а, кулиб юр.
Муҳаббат Пардаева

Muhabbat07

Дата: DUSHANBA, 2012.03.12, 12:13 | Сообщение # 14

Группа: Удаленные

Оҳ, чорасизман

Бойланиб бир жонга,
Тобеман Ҳижронга,
Асирман Армонга,
Мен чорасизман,
Чунки, сенсизман.

Кутади ёлғизлик,
Ютади ёлғизлик,
Йўқдир нур – ёруғлик,
Мен чорасизман,
Чунки, сенсизман.

Кўз ёшсиз йиғлайман,
Юракни тиғлайман.
Дунёга сиғмайман,
Оҳ, чорасизман,
Чунки, мен сенсизман.

Муҳаббат Пардаева

Muhabbat07

Дата: DUSHANBA, 2012.03.12, 12:13 | Сообщение # 15

Группа: Удаленные

Яна нелар пайидасан?

Гул тутдинг-у суйдирдинг,
Юрагимни куйдирдинг.
Жонимга ҳам тўйдирдинг,
Яна нелар пайидасан?

Дединг: - уч ой, олти ой,
Ёр бўлиб сенла қолай.
Ўтди умр ҳойнаҳой,
Яна нелар пайидасан?

“Кетай” десам қўймайсан,
Эрмакманми, ўйнайсан?
Дил оғритиб тўймайсан,
Яна нелар пайидасан?

Изингда мен сарсона,
Боқаяпман ҳайрона,
Қилиб мени гирёна,
Яна нелар пайидасан?
Муҳаббат Пардаева

Muhabbat07

Дата: DUSHANBA, 2012.03.12, 12:14 | Сообщение # 16

Группа: Удаленные

Севмагайман

Севмагайман севмасларни,
Боғдодда султон бўлса-да,
Ёр этмасман ундайларни,
Яшашга имкон ўлса-да.

Севмагайман севмасларни,
Олтиндан тахт қуришмасин.
Тингламасман сўзларини,
Вафодан аҳд беришмасин.

Севмаганга кўнгил бериб,
Йўқотай-ми хушларимни?
Мени севиб қолар дея ,
Сувга айтиб тушларимни.

Мен кўнглимни берарман, ул –
Остонада бўлса-да қул,
Ёлғиз мени севиб буткул,
Совға қилса бир дона гул.
Муҳаббат Пардаева

Muhabbat07

Дата: DUSHANBA, 2012.03.12, 12:15 | Сообщение # 17

Группа: Удаленные

Кўзингизни очинг...

Кўзингизни очинг, очинг эркаклар,
Зино-ю, зулматдан қочинг эркаклар.
Қисматингиз бир кун этади тайин,
Зинодан кўз очса ногоҳ гўдаклар.

“Валади зинодур” ёки “хароми”,
Аталмушдур бундай гўдак каломи.
Дунёга келтирган “ота-она”нинг,
Асло бўлмас эмуш тинчи, ороми.

Э воҳ, гуноҳлари кечирилмас эмуш,
Етмиш минг бор ҳажга борсаларда, ҳам
Бу дунёда тортган азоби на-дур,
Икки дунё йиғлаб ўтсаларда кам.

Жаннатдан ҳеч бўлмагай дарак,
Этсаларда танни минг бўлак.
Жаҳаннам азоби орзу бўлармуш,
Мангу аросатда бўлармуш ҳалак.

Оллоҳим меҳрибон, кенгдир карами,
Чин товба қилганга ростдур қалами.
Лек учта гуноҳга кечирим йўқдур,
Аросат..., аросат... унинг жавоби.

Бири Оллоҳимга ширк келтирмоқ,
Ота-онага “оқ бўлмоқлик” бири.
“Валади зино”ни пайдо этмоқлик,
Кечрилмас гуноҳлар учунчи сири.

Кўзингизни очинг, очинг эркаклар,
Яратмангиз асло додли эртаклар.
Қисматингиз бир кун этади тайин,
Зинодан кўз очса ногоҳ гўдаклар.

Муҳаббат Пардаева

Muhabbat07

Дата: DUSHANBA, 2012.03.12, 12:16 | Сообщение # 18

Группа: Удаленные

Ўзбегимнинг қизисиз

Шим кийишиб бунча таранг,
Юрибсизлар аранг, аранг.
Кимга ўхшаб қолибсизлар,
Вой, ойнагаям бир қаранг.

Жуда торку шимингиз-а?
Уятмасми, жимингиз-а!

Отангизни аврабсизлар,
“Шим иссиқ”деб, жоврабсизлар.
Рухсат олгач кенг шимга,
Хўп торини ҳоҳлабсизлар.

Ёлғон бўпти ишингиз-а,
Қандай чидар юзингиз-а?

Қовоқ уйса ака нега,
Бузмайсизлар ҳушингизни.
Дейсиз, “отам рухсати бор,
Боринг, қилинг ишингизни''.

Нега бўлмас ишинмиз-а?
Бўлсангиз гар қизимиз-а!

Қорин, елка яланғоч,
Булар яна нимаси?
Киндикка темир тақиб,
“Пирсинг” дейсиз чамаси.

Булар шайтон намғаси-я,
Таққан темир – тамғаси-я!

Киндик очса Овропада,
Сабаб қуёш, намлигидан.
Осиёда тақлид қилар,
Қизлар ақли камлигидан.

Билинг қилар ишингиз-а,
Қачон кирар хушингиз-а.

Кўз-кўз қилмоқ мақсадми ё,
Гўзалдир деб қоматни.
Чин гўзаллик ибодадур,
Тинглангиз Муҳаббатни.

Бибихоним изисиз-а!
Сиз ўзбекнинг қизисиз-а!

Муҳаббат Пардаева

♥VioLeTTa♥

Дата: DUSHANBA, 2012.03.12, 21:34 | Сообщение # 19

Группа: Удаленные

omad

Muhabbat07

Дата: SESHANBA, 2012.03.13, 11:50 | Сообщение # 20

Группа: Удаленные

Аросатда жон
Дилни эзар,
Жавобсиз савол:
Сизни десам
Оилангиз увол.
Сиздан кечсам
Топарман завол,
Дил тўла қон,
Аросатда жон.

“Бахтли бўл”, деб
Кетсам неча бор,
Кетишга йул
Бермайсиз зинҳор.
Наҳот севиб
Бўлдик гуноҳкор,
Дил тўла қон,
Аросатда жон.

Учраштирган
Оллоҳнинг ўзи,
Ишқ берилмас,
Бўлмаса сўзи.
Қайда қолди
Тақдирнинг кўзи,
Дил тўла қон,
Аросатда жон.

Нега тақдир
Бермайди имкон,
Нега ўртар,
Қийнар беомон.
Ғам – андуҳда
Ёндим бегумон,
Дил тўла қон,
Аросатда жон.

Сизга-да ёр
Эмас-а осон,
Бир ёнда жон,
Бир ёнда ҳижрон.
Севги наҳот
Айласа вайрон,
Дил тўла қон,
Аросатда жон.
Майли айланг,
Кўзимни гирён.
Фақат келиб,
Қийнаманг бир он.
Аросат воҳ
Дўзахдан ёмон,
Дил тўла қон,
Аросатда жон.

Ўйин экан
Дўзах тахири.
Чунки бордир,
Унинг охири.
Ёмон экан,
Аросат доғи-
Сўнгсиз азоб,
Йўқдир адоғи.

Muhabbat07

Дата: CHORSHANBA, 2012.03.14, 12:29 | Сообщение # 21

Группа: Удаленные

Келмадингиз

Суяр ёрим, келманг дея ноз қилгандим,
Синай дебон макримни соз қилгандим,
Лек аслида келинг дея роз қилгандим,
Араздан тўн кийдингизми, келмадингиз?

Келар чоғда гулзор аро гуллар териб,
Бошқа санам дуч келдими қошин кериб,
Қўйдингизми ўзгаларга гулни бериб,
Бизларга дил қолмадими, келмадингиз?

Ҳаёлингиз билан эдим омон – омон,
Шубҳа солиб қийнадингиз дилни ёмон,
Бевафойим, гул юзимни айлаб сомон,
Севганингиз ёлғонмиди, келмадингиз?

Қумсаб-қумсаб соғинаман бўйингизни ,
Дил яйратиб чаладиган шўх куйингизни .
Билолмадим асло сизнинг ўйингизни ,
Йўлларингиз адашдими, келмадингиз ?

_MAFIYA_

Дата: CHORSHANBA, 2012.03.14, 14:25 | Сообщение # 22

Группа: Удаленные

Yaqin nima ? Yaqin qiyomat
Yaqinroqchi ? Ulimdir albat
Ajab nima? Tugulgan gudak
Ajabliroq ? Foniyni sevmoq
Shirin nima ? Farzand , arjumand
Shirinroqchi ? Tanda issiq jon
Mexribon kim ? Otam-volidam
Mexribonroq ? Yaratgan egam
Guzal nima ? Odamzod shakli
Guzalroqchi ? Alloxning vasli
Lazzat nima ? Nafsni qondirmoq
Lazzatliroq ? Jannatga kirmoq
Xayirli ish ? Allox iznida
Ibodatla xalol kasb qilmoq
Xayirliroq birov baxtiga
Xasad qilmay dildan sevinmoq...!!!

_MAFIYA_

Дата: CHORSHANBA, 2012.03.14, 14:25 | Сообщение # 23

Группа: Удаленные

Goldmax

Дата: CHORSHANBA, 2012.03.14, 22:36 | Сообщение # 24

Группа: Удаленные

Men erkimni o`g`irlatdim shamollarga,
Shamollarga ko`z tashlasam ko`zim kuydi.
Men umrimni o`g`irlatdim hayollarga,
Sarob mening boshginamni egib qo`ydi.

Men sharobga oshiq bo`ldim, suydim, lekin,
Qadah mening lablarimni kesib ketdi.
Atirgulga ko`ngil berdim, asta-sekin,
Tikanlari yuragimni nishon etdi.

Men o`zimning xohshim bilan tutun yutdim,
So`ng, ovozim chiqmay qoldi azonlarga.
Bahorlarni unutib, jim kuzni kutdim,
Yuragimda xumor turdi xazonlarga.

Malikaga ko`ngil qo`ydim, gul ekan-u,
Ma'yus ko`zi yuragimni tildi, o`ldim...
Jannatlarda farishtalar parvona-yu,
Men GULIMni eslay-eslay shoir bo`ldim!..

MUHABBAT va O`LIM orasi bir qadam. Men shu qadamni tashlamay turib kitob yozishga ulgurmayapman. Sizning esa asta-sekinlik bilan o`z yo`nalishingiz paydo bo`lyapti. Bu yo`l tamomila sizniki, va uni baholash bundan buyon faqat sizga tegishli bo`ladi. O`zingizga past baho berishni bir chetga sursangiz ham bo`ladi. Bundan keyingi she'rlaringizning boshida "O`qing va bahra oling" degan yozuv bo`lishini xohlagan holda OMAD happy

_MAFIYA_

Дата: PAYSHANBA, 2012.03.15, 00:44 | Сообщение # 25

Группа: Удаленные

"Кўнглим ёҳуд ИШҚ ЭРТАГИ" китобидан лавҳалар! (М. Пардаеванинг шу номли китоби Рес, киоскаларида сотувда!)

Страница 1 из 3
1
2
3
»