Bu dunyoning ishlariga tushunolmay hayronman, Yetolmay bu sinoatga ovorai-sarsonman. Kulaman ammo kulgim his etilmas yurakdan, Yig’layman ammo ko’z yosh ko’zlardamas, yurakda. Bu dunyoda alam, hasrat, qayg’u, dardlar ko’p ekan Shunday tashvish boshga tushsa „do‘stman" degan kam ekan. Inson har qanday dardni o’zi yenga olarkan Dardni yenga olsa ham dilda chandiq qolarkan. Boshga agar tashvish kelsa, qo’sha-qo’sha kelarkan, Hatto eng sabrlining ham oyoq-qo’lin bog’larkan. Nima qilarin bilmay inson hayron bo’larkan Shunday paytda darddoshing bo’lgani yaxshi ekan. Inson qiyin damlarda yolg’iz qolmasin ekan. Eng qiyin damda doim do’stlar madad berarkan Oila, do’st ko’magila dardga malham toparsan, O’zing yolg’iz bo’lsang gar ich etingni ezarsan. Yolg’izlik xosdir faqat tanho oy, quyosh uchun, barimiz uchun tanho bo’lgan Ollohim uchun. O’tkinchi bir do’st aytgan shirin gaplarga uchma Yolg’on bari gaplari, so’ziga quloq solma. Lekin haqiqiy do’sting aytgan gapni unutma, Baxtli ham baxtsiz damdagi do’sting qo’lin qo’yvorma!!!
