Айни дамда Нью-Йоркда онкологик касалликдан даволанаётган қўшиқчи Жанна Фрискени эри ташлаб кетишга мажбур бўлди.
Дмитрий Шепелев Россияга қайтиб, боши билан ишга шўнғиди. Бундан ташқари бу ерда уларнинг 10 ойлик ўғли қолган.
"Комсомольская правда" нашрининг хабар беришича, сўнгги пайтларда вақтини рафиқаси билан ўтказган Шепелевни Украинанинг "Интер" телеканалидан ишдан бўшатишган. Унинг "Первый” каналидаги раҳбарияти ҳам ўрнига одам топиш ҳақида ўйлаётган эди. Ишидан айрилмаслик учун у Москвага қайтишига тўғри келди. Унинг ўрнига Нью-Йоркка Жаннанинг отаси учиб кетиши керак эди, аммо у ҳозирча Россияда қолмоқда.
Маълумотларга кўра, Шепелев вақтинча Жаннанинг ота-онаси билан яшайди. Бу ерда ҳозир уларнинг ўғли Платон яшамоқда. Афсуски, Жанна ва Дмитрийга фарзандларининг илк қадамларини кўриш насиб қилмади.
Баъзи ОАВ маълумотларига кўра, Жанна Фриске 12 ойлик кимётерапия курсини ўташи керак. Жарроҳлик амалиётидан эса Жанна воз кечди.
Жаннанинг касаллиги ҳақида илк маълумотлар январ ойи ўрталарида пайдо бўлди. Кейинроқ унинг эри Жаннанинг бош миясида ўсимта борлигини маълум қилди.
Жанна Фриске учун "Русфонд" ва Первый канал ҳамкорлигида йиғилган 68 миллион рубл пул унинг даволаниш пулидан ошиб кетгани сабабли "Русфонд" ушбу маблағнинг бир қисмини оғир касал бўлган болаларга йўналтирди. Шундай қилиб ушбу маблағлар Жаннадан ташқари саккиз нафар болага ҳам ёрдам берди.
