Assalomu aleykum, qadrli saytdoshlar. Bugun she'rlar jamlangan daftarimni qo'limga olib qayta varaqlar ekanman... bir she'r - yuragimga yaqin, qalbim to'ridan joy olgan o'sha she'r yana yuragimni bir tirnab o'tdi. U sizning ham ko'nglingizdan chuqur joy oladi, degan umidda sizga ham ilindim...
Yig’lolmadim… Ketdingiz so’zsiz… Faryodlarim bo’g’zimda qoldi… Orzu qalbni tark etdi izsiz, Yolg’izgina umid ham so’ndi… Yig’lolmadim… Jim ko’ndim… Qismat – Tog’lar qadar og’ir shart qo’ydi… Lablarimda yig’ladi jur’at, Yuragimni hijron, dard o’ydi… Yig’lolmadim… Ko’zimdagi yosh – Kuydirmoqda qalbni beomon… Kechiringiz etib qo’ydim fosh… Ko’rgim keldi… Ha, Sizni! Yomon… Yig’lolmadim… Oh, dardim og’ir, Ming o’ldirib, kuydirar ming bor… Siz – bevafo, Sizki – toshbag’ir, Qo’lingizda jon berdim takror… Yig’lolmadim… Yuksak keldi sha’n… Osmonlarga qadrim keldi teng… Garchi mag’lub, singan qalb bilan – Mag’rur chiqdim qarshingizga men! Yig’lolmadim... Kechiringiz yor... Menda shunday ojiz iroda...
