Қозоғистоннинг «ГОЛ» нашри футбол мутахассислари ёрдамида мамлакатнинг 2012 йилдаги энг яхши футболчисини аниқлашди. Соврин терма жамоамиз ва «Иртиш» ҳужумчиси Улуғбек Бақоевга насиб этди. Бу ҳақда Қозоғистонниг sports.kz нашри хабар бермоқда.
Энг яхши футболчини аниқлаш жараёнинг биринчи босқичида жамоа бош мураббийлари ва жамоа сардорлари учтадан футболчи номини айтишди. Энг кўп балл тўплаган 5 футболчи ажратиб олинди. Иккинчи босқичда футбол ишқибозлари яна бир номзод номини рўйхатга киритишди. Яна бир номзодни эса нашрнинг ўзи рўйхатга киритди.
Учинчи босқичда 89 нафар журналистлар шу етти футболчиларни бир, икки ва учинчи ўринларга ажратиб чиқишди. Сўровнома якунларига кўра, терма жамоамиз ҳужумчиси Улуғбек Бақоев йилнинг энг яхши футболчисига айланди.
«Иртиш»да тўп сурувчи ҳамюртимизнинг фамилияси 67 та анкетада тилга олинди. У жами 168 очко тўплади. Улуғбек энг яқин таъқибчисидан деярли икки баравар кўп овоз тўплади. Иккинчи ўриндаги Танат Нусербаев 89 очко жамғарди холос.
Бу йил Улуғбек Бақоев Қозоғистонда тўртинчи марта йилнинг энг яхши тўпурари бўлди. Бундай натижага Қозоғистон футболида ҳали ҳеч ким эришолмаган. Бундан ташқари Бақоев Қозоғистон чемпионатида 100 дан ортиқ тўп киритган биринчи чет эллик футболчи бўлди. 2010 йлда у 5-ўринни, 2004 йилда 4-ўринни, ўтган йили эса иккинчи ўринни эгаллаганди.
Энг яхши легионерлар рўйхатида ҳам Бақоев биринчи бўлди. 1. Улуғбек Бақоев (Ўзбекистон). 2. Никола Василевич (Босния ва Герцеговина). 3. Абдуллаи Диакате (Сенегал).
