Foydalanuvchilarning #Ramadan yoki #Eid degan xeshteglari oldida yarim oy yoki arabcha yozuv paydo bo‘ladi.
“Joriy yilda dunyo bo‘ylab 1,5 milliardan ortiq musulmonlar Islom kalendarining to‘qqizinchi oyi bo‘lgan Ramazonni nishonlaydi. Ularning ichida Twitter foydalanuvchilari ham mavjud. Statistikaga ko‘ra, o‘tgan yili dunyo bo‘ylab Ramazonga oid 74,2 milliondan ortiq tvit qoldirilgan”, — deya Twitter xabar berdi.
Twitter xodimlari 2013-yili Ramazon oyida qoldirilgan tvitlarni ko‘rib chiqishdi. Unga ko‘ra AQShdagi Twitter foydalanuvchilari “yozning issiq kunlarida qanchalik och va chanqab ro‘za tutayotganliklarini” yozganlar. Angliya va Malayziya foydalanuvchilarning tvitlarida “happy” (baxtiyor) so‘zi, Saudiya Arabistoni, BAA, Bahrain va Misr foydalanuvchilari qoldirgan tvitlarda esa صلاة (namoz) so‘zi ko‘p uchragan.
Shuningdek, Twitter foydalanuvchilarga iftorlik va saharlik vaqtini bilish imkonini ham yaratgan. Bu xizmat foydalanuvchilari iftorlik vaqtini bilish uchun #iftar so‘zi va o‘z shaharlari (#london yoki #newyork) nomini belgilagan holda al Arabiya yangilik kanali (@alarabiya)ga tvit qoldirishlari, saharlik vaqtini bilish uchun esa #imsak xeshtegini yozishlari kerak.
