Jahonning eng badavlat insonlaridan biri — Bruney sultoni Hasanal Bolkiah 2015-yil aprelida o‘g‘illaridan biri — Abdulmalikni uylantirdi. To‘y marosimi hashamatni eng ko‘p yaxshi ko‘radiganlarni-da hayratda qoldirdi, deya yozadi“Interesno”.To‘y sultonning Bruney poytaxti Bandar-Seri-Begavandagi 1788 xonali saroyida bo‘lib o‘tdi. 31 yoshli shahzoda yuzlab qarindoshlar, do‘stlar, xorijiy mehmonlar guvohligida 22 yoshli Robiyatul Adaviya bilan nikohlandi.Kelin-kuyov liboslarining har bir detali, bezagi oltin va boshqa qimmatbaho tosh va metallardan tayyorlangan edi. Kelin bedana tuxumidek keladigan brilliant va zumrad ko‘zli taqinchoqlar bilan o‘ziga oro bergan edi.Robiyatul Adaviyaning qo‘lida guldasta o‘rniga qimmatbaho toshlardan tayyorlangan dasta jilolanib turgan bo‘lsa, oyog‘ida Christian Louboutin kolleksiyasining 4000 dollarlik tuflisini, bilagida esa og‘irgina tilla bilaguzukni ko‘rish mumkin edi.Sulton o‘g‘lining 5-aprelda boshlangan nikoh marosimi umumiy hisobida 11 kun davom etdi.
