|
ФИФА расмий сайтида Жаҳон чемпионати чорак финалининг қолган иккита ўйинини бошқариб борадиган ҳакамлар номи маълум қилинди. Унга кўра Голландия – Коста-Рика терма жамоалари ўртасидаги ўйин ҳамюртимиз Равшан Эрматовга ишониб топширилди. Бу ҳақда Uff.uz сайти хабар бермоқда.
Бу Равшан Эрматовнинг Жаҳон чемпионатларидаги жами 9-ўйини бўлади. Бразилиядаги мундиалда эса Эрматов бошқарадиган 4-учрашув бўлади. Бунгача ҳамюртимиз Швейцария – Эквадор (2:1), Хорватия – Мексика (1:3), АҚШ – Германия (0:1) учрашувларида ишлаганди.
Аргентина – Бельгия терма жамолари ўртасидаги ўйинни эса 42 ёшли италиялик ҳакам Никола Риццоли бошқариб боради.
Эслатиб ўтамиз, 4 июль куни Бразилия-Колумбия учрашуви 21:00да, Франция-Германия учрашуви эса 01:00 да бўлиб ўтади.
5 июль куни Голландия-Коста-Рика учрашуви 21:00да, Аргентина-Бельгия учрашуви 01:00 да старт олади.
| 
