"Иккинчи давра учрашувларини кўтаринки рухда ўтказган жамоамизни чемпион бўлишига оз қолди”, - дейилади клуб расмий сайтидаги хабарда.
"Шўртан” ва "Бунёдкор” клубларига қарши кечган ўйинлардаги дуранг натижаларни инобатга олмаганда, қолган баҳсларда ғалаба қозонган жамоамиз мавсумни юқори нотада тугатишига ҳеч ким шубҳа қилмаяпти. Шу муносабат билан 21 ноябрь куни соат 13:00дан бошлаб, "Пахтакор” Марказий стадионида шоу концерт уюштирилади. Унда элимиз суйган санъаткорлар ўз қўшиқлари билан стадионга ташриф буюрган ишқибозларни қувонтирадилар.
Шунингдек, танаффус пайтида Эронда бўлиб ўтган Осиё чемпионатида бош совринни ва БААда жаҳон чемпионати йўлланмаснини қўлга киритган ёшлар терма жамоаси аъзоларини ҳам тақдирлаш маросими ўтказилади. "Бухоро”га қарши учрашувни ўз эса соат 14:00да бошланади.
Барчангизни стадионга таклиф этамиз. Учрашувга кириш бепул!”.
Фото муаллифи: Нодирхўжа Юлдашев
