|
 Бокс бўйича собиқ жаҳон чемпиони Майк Тайсон промоутерлик фаолиятига қўл урди.
Бу хақда Бутунжаҳон бокс кенгаши сайти хабар бермоқда (WBC).
47 ёшли америкалик Iron Man Productions промоутерлик компаниясининг раҳбарларидан бири бўлди. Аввал компания Acquinity Sport деб номланарди, аммо Тайсон бизнес бўйича ҳамкорларини бу номни ўзгартиришга кўндира олди. Боксчининг фаолияти давомида уни «Темир Майк» (Iron Mike) деб аташар эди.
Тайсоннинг компаниясида ҳозирнинг ўзида 18 нафар мижоз бор, улар орасида, 59 килограмм вазнда Халқаро бокс федерациясининг жаҳон чемпиони (IBF) доминиканлик Аренис Мендес, Собиқ жаҳон чемпиони Хоан Гузман, америкалик Шэннон Бриггслар бор.
2005 йилда профессионал фаолиятини якунлагандан сўнг Тайсон кинода суратга тушган ва турли телекўрсатувларда иштирок этган ҳамда каптар кўпайтириш билан шуғулланган.
Рингда боксчи 58 та жанг ўтказиб, уларнинг 50 тасида ғалаба қозонган (44 — нокаут билан). Олти марта Тайсон ютказган, унинг иштирокидаги иккита жанг амалга ошмаган деб тан олинган. Профессионал сифатларидан ташқари боксчи жанжалкашлиги билан ҳам машҳурдир, шу сабабли у уч марта судланган (1992, 1998 ва 2008 йилларда).
|
