Главная » 2015»Январь»1 » Litva yevroni ichki muomalaga kiritgan 19 davlatdan biriga aylandi
18:33
Litva yevroni ichki muomalaga kiritgan 19 davlatdan biriga aylandi
01.01.2015 // Dunyo Litva yevroni ichki muomalaga kiritgan 19 davlatdan biriga aylandi
Litva 2015-yilning 1-kunidan boshlab, eski pul birligi lit o‘rniga yevroni muomalaga kiritdi. Endilikda Litva yevro amalda bo‘lgan 19-davlatga aylandi. Bu haqda mamlakat bosh vaziri Algirdas Butkyavichyusning so‘zlariga asoslangan “TASS”ga tayanib, “Kun.uz” xabar bermoqda. “Yangi pul birligini joriy qilish bo‘yicha so‘rovnomada 63 foiz litvalik bu qarorni qo‘llab- quvvatlashini ma’lum qildi”, — dedi Butkyavichyus. Litva bosh vaziri buning natijasida mamlakat iqtisodiga sarmoyalar kiritilishi keskin darajada ortishi kutilayotganini ma’lum qilgan. Xabarda yozilishicha, 1- yanvardan boshlab 60 kun mobaynida Litvadagi barcha banklarda kurs bo‘yicha litni yevroga cheksiz miqdorda almashtirish mumkin bo‘ladi. Shuningdek, Litva hududi bo‘ylab 700 dan ortiq valyuta shoxobchalari o‘rnatilgan bo‘lib, bu joylarda litvaliklar har 1 yevroni 3,4528 litga sotib olishi mumkin. Ma’lumot uchun, Litva bilan chegaradosh Estoniya 2011- yilda, Latviya esa 2014-yilda yevrozonaga a’zo bo‘lgan edi. 40 million aholi yashaydigan yana bir qo‘shni davlat Polsha hamon o‘z zlotiysidan foydalanib kelmoqda.
padariga la'nat bunaqa politikani, bizada so'mni qadri tushib borvuradi, tvar mentla poraxo'rli qimasdan, qorabozorri nazorat qiganda, hayot yaxshi bo'p ketardi
