Madridda 3000 tomoshabin guvohligida o‘tkazilayotgan aeroshouda ishtirok etayotgan pilotlardan biri samolyotning qulashi natijasida halok bo‘ldi.Ispaniya Ichki ishlar vazirligi rasmiylaridan birining xabar berishicha, halokatga uchragan samolyot aeroshouda ishtirokini yakunlab bo‘lgach, qo‘nish chog‘ida maydonchadagi to‘siqlardan biriga urilishi natijasida portlab ketgan.Voqea joyidan Xetafedagi shifoxonaga yetkazilgan 35 yoshli uchuvchi Ladislao Romero tana qismining og‘ir kuyganligi oqibatida halok bo‘lgan.Ispaniya rasmiylarining aytishicha, Romero uchgan HA-200 Saeta rusumli samolyot 1950-yillarda ishlab chiqarilgan bo‘lib, halokatga nima sabab bo‘lganligi hali to‘liq o‘rganilmagan.
