Misrlik Mustafo Ismoil eng katta mushak egasi sifatida Ginnes rekordlari kitobiga kirdi. Uning laqabi "Dengizchi Popay” (Popeye the Sailor). Rekordchining multfilm qahramonidan farqli jihati, u dengizchiga kuch bag‘ishlaydigan ismaloq tanovvul qilmaydi.
24 yoshli bodibilding (body-building) ustasi Aleksandriyada tavallud topgan bo‘lib, 2007-yildan beri rafiqasi Karolina bilan AQSh da yashaydi. Mustafo Ginnes rekordlari kitobiga kirgan birinchi misrlik ekanligidan faxrlanadi.
U o‘zining mushaklari sababli ko‘pgina davlatlarda bo‘ldi. Ko‘chada odamlar Mustafoni to‘xtatib, mushaklari chindan ham o‘ziniki ekanligiga ishonch hosil qilish maqsadida uni o‘lchab ko‘radilar.
Mashhurligiga qaramay "Dengizchi Popay” Milforddagi yoqilg‘i quyish shahobchasida ishlashda davom etmoqda. Qolgan bo‘sh vaqtini esa trenajyor zallarida o‘tkazadi.
Sizning ham mushaklaringiz shunday bo‘lishini xohlarmidingiz?
