Австралиялик йигит ҳали ёш бўлишига қарамай бундан буён тиш протезларидан фойдаланишига тўғри келади, деб хабар беради dailymail сайти.
Газланган сувларга бўлган севгиси унинг тишларини йўқотишига олиб келди. Хабарларга қараганда, Уильям Кеннел исмли бу йигитчада "Cola”га бўлган муҳаббат уч йил олдин меҳмонхона бизнеси билан шуғулланишни бошлаганида уйғонган. Ўшандан бери у ушбу севимли ичимликни кунига олти литрдан саккиз литргача миқдорда истеъмол қиларди. Вақт ўтгани сайин Уильямнинг милклари қонашни бошлаган, бунинг оқибатида унинг қони йиринглаган. Йигитни лохаслик ва кўнгил озиш безовта қила бошлаган. Уильямнинг сўзларига кўра, тўхтовсиз тишлари оғрир эди. Бироқ шунга қарамай у ўзини "Coca-Cola” ичишдан тўхтата олмаган. Шифокорлар унга меъёридан ортиқ газланган ичимлик ичаётгани тишларининг нобуд бўлишига сабаб бўлишини, шу боис миқдорни камайтириш лозимлигини уқдиришган. Гапга қулоқ тутмаган австралиялик йигитча тиш шифокори ҳузуридаги навбатдаги кўрикда тишларининг ёмон ҳолатдалиги боис уларни олдириб ташлашга мажбур бўлган. Айни пайтда Австралия шифокорлари Уильямни бошқаларга сабоқ бўлиши учун намуна сифатида кўрсатишмоқда. Уларнинг сўзларига кўра, газланган ширин ичимликларни меъёридан ортиқ истеъмол қилиш инсон организмига салбий таъсир қилиб, нохуш ҳолатларга олиб келиши мумкин.
manimcha gap faqat co'ladamas, u colani muzdekligida ichgan bo'sa kere. oddiy suvniyam muzdeligida ichsa shunaqa bo'lishi mumkin. muzdek ichishi oqibatida milklari shamollagan , agar milk shamolashini oldini olinmasa(paradanto'z kasalligi kelib chiqadi) bu rostanam tishlarni tushib ketishgacha olib keladi. milk huddiki birmarta ishlatadigan narsaga o'xshidi , ishdan chiqdimi ... .
voy jini
