O‘zbekiston soliq organlari Vimpelcom Ltd xoldingining O‘zbekistondagi sho‘ba korxonasi Unitel MChJ XK ("Bilayn” savdo belgisi)ning moliyaviy-xo‘jalik faoliyatini rejadan tashqari tekshirish ishlariga kirishdi. Bu haqda "Noviy vek” nashri xabar bermoqda.
Ma’lum bo‘lishicha, ushbu tekshirish tashqi manbalardan tushgan ma’lumotlar asosida boshlangan. U oktabr oxirigacha davom etishi mumkin.
Qonunga muvofiq, ko‘zda tutilmagan tekshiruv ishlari nazorat organlari tomonidan tadbirkorlik subyektlarining qonunlar va boshqa qonuniy aktlarni buzganligi to‘g‘risida ma’lumot kelib tushgan taqdirda o‘tkaziladi. Korxonalar, tashkilotlar, muassasalar va fuqarolar tomonidan qonunni buzganlik to‘g‘risida aniq dalillar va hujjatlar bilan tasdiqlangan faktlar bunday ma’lumot sifatida qabul qilinishi mumkin.
