Услубингиз нимани англатади? 
Ҳар бир инсон аниқ бир услубда кийинишига эътибор берганмисиз? Маълум бўлишича, услуб ва киши феъл-атвори ўртасида ўзаро боғлиқлик мавжуд экан. Яъни, инсоннинг кийиб олган либоси услубига қараб, унинг ички дунёси қандайлигини айтиш мумкин экан.
Классик услуб тарафдорлари - ҳаётда ўз олдиларига қўйган мақсадлари сари интиладиган, уларга етиша оладиган, ўзига ишонган, аммо неларга қодирлигини ҳаммага билдиришни хуш кўрмайдиган кишилар бўлишади. Бу гапларнинг ҳаммаси иш туфайлигина эмас, балки ҳаётда ҳам шундай кийинишни хуш кўрувчи кишиларга тааллуқлидир.
Спорт услубини хуш кўрадиганлар – эркин яшашни ёқтирадиган, хушчақчақ ва дўстларга бой кишилардир. Дарвоқе, ўз бойлигини кўз-кўз қилишни хоҳламайдиганлар ҳам кўпинча спорт услубида кийинадилар.
«Йиртиқ-ямоқ». Шу кеча-ю кундузда кўча-куйда «қирқ ямоқ», қизиқчи тили билан айтганда «худди ит талагандек» орқа-олди йиртилган «мода»даги шимларни кийиб юрган ёш йигит-қизларга кўзингиз тушгандир? «Ўт тушсин, бу модасига» дейишингиздан олдин бир гапни айтиб қилмоқчимиз: матоларнинг кўринишини атайин бироз униқтириш яъни эскироқ кўриниш ҳадя этиш учун дизайнерлар жуда кўп тер тўкишади. Дунё бозорларида айни вақтда нимагадир мана шу турдаги кийим-кечакларнинг бозори чаққон. Демак, маълум маънода ўйлаш мумкин-ки, классика ҳам одамларнинг жонига тегаркан-да…
«Милитари». Ҳарбийча кўринишда тикилган кийим-кечаклар тури «милитари» услубига киради. Феъл-атвори ўғил болаларникига ўхшаш, аёллик латофатини йигитча мардлик ва дангал сўзликка алмаштирган қизлар айнан шундай турдаги кийимларга ўч бўлишади.
Кенг бичимдаги либослар. Кенг бичимдаги, гуллари кўп либосларни кийишни хуш кўрадиган аёллар содадил ва табиатни севадиган бўлишади. СОЧ РАНГИГА ҚАРАБ.. 
Одам сочларининг рангига қараб унинг таъсирини билиб олиш мумкин экан. Сиз биласизки инсоннинг сочи табиий гўзаллика эга бўлган ранглар жилосидан яратилган. Бу жилони ҳамма вақт сақлаш керак. 1. Қора рангли соч. Ўзингизни ҳимоясиз сезасиз. Ким биландир топишиш, унга ишонишдан қўрқасиз. Қалбингизда қўрқинч бор. Лекин билиб қўйинг, қора ранг бу ўзига қатъий ишонч рамзи. 2. Каштан рангли соч. Бу мулойим, осойишта ёқимли ва табиий ранг. Агар шу рангни танлаган бўлсангиз, демак сиз тинчликни ва ўзингизга нисбатан яхши муносабатда бўлишларини хоҳлайсиз. 3.Тилла рангли соч. Сиз мақтовлар, ширин сўзлар кутаяпсиз, ўзингизни энг чиройли деб ўйлайсиз. Бунинг сабаби оддий, сўнгги пайтда сиз руҳан тушкунликка тушиб, ғамга ботгансиз, яна бир сабаби эса бунинг акси бўлиши ҳам мумкин: кимдадир гўзал таассурот қолдиришни жуда-жуда хоҳлаяпсиз. 4.Қизил рангли соч. Бу рангга соч бўяшни лозим топсангиз, ҳамма жойда ўз билганингизча иш кўришни маъқул кўрасиз ва Сизга курашга чорлаш, жанг қилиш ёқади, агар бу рангни танлаган бўлсангиз, барчанинг эътиборини жалб этишни хоҳлайсиз. 5. Бақлажон рангли соч. Сиз ҳаммага ғайриоддий шахс эканглигингизни, кўзга яқинлигингизни билдирмоқчи бўласиз. Сиз ўзингизни ёлғиз, дилкаш инсонларни эса йўқдек ҳис этасиз. 6. Жигар рангли соч. Сиз ҳаммадан ажралиб туришни истамайсиз. Жигар ранг сизга шоколадни эслатиб туради. ва шунинг учун қандайдир ширин, ёқимли туюлади. Ўз ҳаётингизни ширинроқ, янада бахтлироқ қилишни истаяпсиз. Сиз яхши ҳордиқ чиқаришингиз лозим. Хаёлингизни бироз жамлаб, дам олинг.
|
:)
