Endigina ilm olishga astoydil kirishgan voqtlarim edi. Biz ilm oladigan maskanda To’lqinjon ota degan yoshlari anchagina kotta bir otahon bor edilar. O’rtamizda kotta yosh farqimiz borligiga qaramay u kishi bilan suhbatlashish maroqli edi. Kunlardan bir kun u kishi hayotlari davomida yuz bergan bir ibratli voqeani etib bergandila, bu voqea barchamiz uchun yetarlicha ibrat bola oladi dib oyliman.
Bu voqea Sobiq Ittifoq voqtida, To’lqinjon ota Suv Ho’jaligi Idorasida ishlab yurgan kezlarida sodir bo’lgan ekan. Bir kuni 4-5 nafar hodim ishhonada osh qilib yiyishmoqchi bolishibdi. Masalliqlar tayyorlanib qozonga solinibdi. Taom damlanvotgan voqtda Idora rahbari qozon oldiga kelib “Qanaqa gurunch tanladila” debdi:

To’lqinjon ota : Ha endi siz etgande devzira gurunch, qo’y yog’i qo’y go’shtidade

Rahbar : Ha unda bugun bir mazza qilib qo’lbola palov yirkanmizde a To’lqinjon?

To’lqinjon ota : Hudo hohlasa albatta yeymiz

Rahbar: Ie, qiziqmisiz To’lqinjon, o’zimizni qo’limizdegi tayyor taom bo’lsa, uni ustiga tayyor ham bop qoldi, Hudo hohlasayam yiymiz hohlamasayam yeymiz

Rahbar o’zi Musulmon bo’lsa ham Islomni chunmidigan odamligini bilgan To’lqinjon ota unga bunaqa narsalarni chuntirish befoydaligini sezib indamabdila. Biroz o’tib taom tayyor bo’lib dasturhonga tortilibdi. Huddi shu vaqt Idora telefoni jiringlab rahbarni zudlik bilan majlisga chaqirib qolishibdi. Hodimlarni “hay hay, hech bolmasa bir qoshiq yeb ketin ” deyishlariga qaramay rahbar yo’lga otlanibdi.
Rahbar ketganidan so’ng hodimlar “har holda bu odam bizni boshlig’imiz, oshdan unga ham nasiba olib qoyaylik” deb oshni bir qismini olib qoyishgach mazza qilib o’zlari pishirgan taomni tanavul qilishibdi.

Ish voqti tugasa ham Rahbarlari qaytavermagach oralaridan bittalari unga deb olib qoyilgan oshni uni uyiga olib borib beradigan bolishibdi. Hullas osh rahbarni uyiga yetkazilibdi lekin o’sha voqtda ham u hali majlisdan qaytmagan ekan.
Kech tushgach rahbar och va charchagan holda uyiga kirib kelibdi. Ayoli shosha pisha o’zi tayyorlagan taomdan keltiribdi. Rahbar bo’lsa: Ishhonadigi hodimlar, “boyagi oshdan sizni nasibangizni uyingiga olib borib berdik” deyishgandi oshani olib kel dibdi.

Shunda ayoli tomonidan berilgan quyidagi javob uni karaht ahvolga solib qoyibdi: Siz rahbar odam, har kuni ko’cha ko’yda yoki maishatlarda osh yeb yurasiz, bir hil taom me’dangizga tekkandir dib uni bollarizga berib sizga yengi ovqat tayyorlagandim dibdi.
Rahbarni ko’z oldi qorong’ulashib miyyasida birgina gap ya’ni o’zini boyagi “Hudo hohlasa ham hohlamasa ham yeymiz” digan gapi aylanaveribdi.

Allohni iznisiz hattoki bir yaproq ham o’z joyidan qimirlamaydi!

«Кулинг, умрингиз узаяди», дейишади кўпинча. Кулгининг шифо эканлигини тарғиб қилувчилар балки ҳақдирлар. Йиғлашга келганда эса...

Ҳеч эътибор берганмисиз, йиғлаган инсон юпангач, унинг юзига тикилганмисиз? Ҳатто, чақалоқлар бўлса ҳам майли. Менимча, йиғлаган инсоннинг юзи кулгидан тўхтаган инсондан кўра нурлироқ бўлади. Гўзалроқ бўлади. Нега?

Йиғлаш қалбни даволайди. Қалбни юмшатади. Инсоннинг йиғлаши унинг ўз ёри томон яқинлашмоғидир. Қалбини, қонини, жонини Унга фидо этмоқдир. Йиғламоқ англамоқдир.

Йиғласак кўзларимизга зарарми? Майли шундай бўлсин.

Кулгидан қалбларимиз қорайгандан кўра, кўр бўлсин кўзларимиз йиғламоқдан.

Йиғламоқ бу тилсиз, қалб билан гапирмоқдир. Йиғлаган қалбга Аллоҳ таолонинг ўзи меҳмон бўлади. Йиғлаб роҳат олишимиз балки шундандир.

Йиғламоқ бу нафс йўлларини кўз ёш билан ювмоқдир.

Бир олимдан, «сизнинг устингиздан кулишларига қандай чидаб турасиз?» деб сўрашганда:

— Бу устимдан йиғлашларидан минг карра яхшироқдир, — деб жавоб берган экан.

Келинг азизлар, атрофимизга, ўзимизга, қалбимизга холис боқайлик. Ана ўшандагина бизни йиғлатадиган ва йиғлашга арзийдиган ҳолатлар орасида қолганимизни янада яхшироқ англаган, ўзимизни йиғидан тўхтата олмаган бўлармидик.

Ҳаққини тўлиқ бажармай ўқиётган намозларимизга йиғлайлик.

Турли дунёвий ҳасрат билан эгилиб туришимизга ва буни намоз деб номлаётганимизга йиғлайлик.

Бизни яратган, гапиртирган, ризқ берган, ўлдирадиган ва сўроқ қиладиган Аллоҳ билан висол онларимиз бўлган саждаларимиздаги ҳолатимиз учун йиғлайлик.

Намозларда бутун гуноҳларимизнинг авф қилиниши фурсатини бой бераётганлигимиз учун йиғлайлик.

Уйқунинг қучоғида ўтказган ғафлат онларимиз учун йиғлайлик.

Ҳар куни гувоҳи бўлаётганимиз, ибратга тўла воқеаларга қалбларимизнинг юмшамаётганлигига йиғлайлик.

Бу воқеалардан туяқуш каби бошимизни тиқиб қочаётганимизга, ўзгармайдиган ҳақиқат -ўлим соатини ўзимиздан, қалбимиздан узоқ тутаётганимизга йиғлайлик.

Дунёларни ютиб юборса ҳам тўймайдиган нафсимиз учун ва бу нафсга қул бўлаётганлигимиз учун йиғлайлик.

Дуо қилинг, ижобат қиламан, деган, Раҳмон ва Раҳийм бўлган Аллоҳга дуо қилмаётганимизга йиғлайлик.

Сўраган нарсангизни бераман деб ваъда қилган Аллоҳ қаршисида, гўёки, бу ваъда бажарилмай қолиши мумкиндек, ундан мукаммал иймон, ихлос ва тақво сўрамаётганимиз учун йиғлайлик.

Ҳеч ўлмайдигандек, тупроқ остига кирмайдигандек ва сўроқ қилинмайдигандек ўтказаётган кунларимизга йиғлайлик.

Ҳар қандай ифлосликни қилиб, қалбимизни тоза деб, ўзимизни овутаётганимизга йиғлайлик.

Болаларимизни биздан, бизнинг эса улардан қочадиган паллада, Қиёмат соатида, бу ҳаётда борлиғимизни бағишлаб топган мулкимиз ёрдам бера олмаслигини тушуна олмаётганлигимиз учун йиғлайлик.

Баъзи амалларимизни гуноҳлигини ҳам билмасдан елкамизга ортиб олиб, тавбасиз Аллоҳ таолонинг рўпарасига чиқишимиз хавфи ичида яшаётганимиз учун йиғлайлик.

Тоғдек гуноҳларимиз кўрсатилганда, бу гуноҳларни қачон қилгандим, эй Раббим, деб турадиган Кундан бехабар ҳолда яшаётганимиз учун йиғлайлик.

Қуръон бизга етар деб, суннатга орқа ўгираётганлигимизга йиғлайлик.

Тилимизда ёдлаб олган, лекин маъносини билмайдиган, амал қилинмайдиган Аллоҳнинг сўзлари, токчаларимизда сувенир каби чанг босиб ётган Аллоҳнинг китоби, бизга даъво қилиши мумкинлигини билмаётганлигимиз учун йиғлайлик.

Ҳатто пайғамбарлар Муҳаммад (с.а.в.)нинг уммати бўлишни орзу қиладиган кунда, ул зотнинг уммати бўлишдан ва шафоатларидан бенасиб қолиш хавфидан огоҳ эмаслигимизга йиғлайлик.

Олов ўтни еб тугатганидек, бутун солиҳ амал ва яхшиликларимизни еб тугатадиган ғийбатдан қутула олмаётганимизга йиғлайлик.

Берувчи ва олувчи аниқлигини билган ҳолда, ҳасрат ва надоматларимизга йиғлайлик.

Гулнинг ҳам, тиконнинг ҳам, боғнинг ҳам, боғбоннинг ҳам соҳиби аниқ бўлса-да, буларнинг эгасидек ҳаракатларимизга йиғлайлик.

Бу муҳташам салтанат остида яшаб ҳам. ўзимизни улуғ ҳис қилишимизга йиғлайлик.

Йўқликдан борлиқни пайдо қилган ва абадий ҳаёт ваъда қилган Раббимиз учун бир кунда бир неча дақиқа ибодат қилишдан қочаётганлигимизга йиғлайлик. Қочиб охири қаерга боришимизни ўйлаб йиғлайлик.

Бир оёғимиз билан қабрда бўлсак-да, бойлик ортидан югураётганлигимизга йиғлайлик.

Аллоҳ таолони бор деб, гўёки У йўқдек яшаётганимизга йиғлайлик.

Ақл юритмайсизларми, ўйлаб кўрмайсизларми, деб бизга хитоб қилган Қуръоннинг овозига жавоб берадиган овозимиз чиқмаётганлиги учун йиғлайлик.

Яхши кунда унутиб, ёмон кунда эслайдиганимиз Аллоҳимизга кўрсатаётган бевафолигимизга йиғлайлик.

Яхши-ёмон, динсиз-диндор, мусулмону-бутпараст демасдан барчамизга, ҳар куни неъматларини бераётган Аллоҳ учун қуллигимизни ифодаси бўлган намоз, закот, рўза, силаи-раҳм, зикр, амри-маъруф каби ибодатларга эътиборсиз эканлигимизга йиғлайлик.

Аллоҳ Раҳмондир, барча гуноҳларимизни кечиради, деб шайтоннинг тузоғига тушаётганлигимизга йиғлайлик.

Йиғлайверинг, бу бизга нажотдир. Пайғамбаримиз Муҳаммад (с.а.в.) Аллоҳ учун йиғлаган кўзлар учун дўзахнинг харомлигини айтиб берганлар ҳаммамизга.

Биз шундай бахтли инсонлармизки, йиғлаган расулнинг умматимиз, ёш оқмайдиган кўздан асрагин Аллоҳим, деб нола қилган Муҳаммад (с.а.в.) нинг умматимиз.

Келинг, ҳаммамиз бирга йиғлайлик.

Йиғлашга арзигулик ҳолатимизга кулаётганлигимизга йиғлайлик.

Қуриган киприкларимизга, ёшармаган кўзларимизга йиғлайлик.

Йиғлай олмаётганлигимиз учун йиғлайлик.

Дунё шундоқ ҳам қўрқинчли бўлиб кетяпти. Қалбларимиз қотиб кетяпти. Қалбимизни Аллоҳга бурайлик ва уни юмшатишини ундан сўрайлик. Кўз ёшини Раббимиздан йиғлаб сўраб олайлик.

Йиғлай олмасак ҳам, ҳеч бўлмаса кулишдан тўхtaylik