"Менсиз бахтлимисиз ёлғизим" китобидан лавҳалар - SHERLAR.UZ/FORUM/ O`ZBEKISTONDA 1 RAQAMLI FORUM

[ Новые сообщения · Участники · Правила форума · Поиск · RSS ]

Страница 1 из 4 1 2 3 4 »
Модератор форума: AnDiJoNLiK_BeZoRi

"Менсиз бахтлимисиз ёлғизим" китобидан лавҳалар (М.Пардаеванинг ушбу китоби Рес. киокларида сотувда!)

"Менсиз бахтлимисиз ёлғизим" китобидан лавҳалар

Muhabbat07

Дата: DUSHANBA, 2012.03.12, 11:54 | Сообщение # 1

Группа: Удаленные

Ўқинг, баҳоланг ва фикр билдиринг !

Muhabbat07

Дата: DUSHANBA, 2012.03.12, 11:55 | Сообщение # 2

Группа: Удаленные

Keлманг энди ёнимга

Ёниб севдим бўлди хато.
Сиздан кўрдим фақат жафо.
Меҳр бердим, бўлдим фидо,
Қани сизда аҳду-вафо ?

Шум қарғалар олиб кетар,
Шумлигини қўймайди.
Ташна қалбим куяр, ёнар,
Ишқингизга тўймайди.

Қарғаларга эргашасиз,
Қулоқ солмай зоримга.
Ширин дамлар бир хотира,
Келманг энди ёнимга …

Muhabbat07

Дата: DUSHANBA, 2012.03.12, 11:56 | Сообщение # 3

Группа: Удаленные

Соғинганда сизни

Соғинганда сизни жоним гоҳида,
Тушингизга кириб севгим айтаман.
Тонги шамол бўлиб саҳар чоғида ,
Сочингизни силаб, силаб қайтаман.

Ёмғир ёғса тинмай, томчиларида
Сезмайсизми жоним, шивирларимни?
Лабингиздан ўтли бўсалар олиб,
Хайрли тонг тилаб қайтаман.

Muhabbat07

Дата: DUSHANBA, 2012.03.12, 11:57 | Сообщение # 4

Группа: Удаленные

АРМОН

Дил тўлғанар, қалб ўртанар,
Қийнар мени армоним.
Севиб жондан, кечдим сиздан,
Жондан азиз султоним.

Соғинганда излаб келиб,
Шод этдингиз кунглимни.
Вайрон эдим, обод этиб,
Ёритдингиз дилимни.

Остонангни кўзга суртдим,
Қолганми деб изингиз.
Хотирамда муҳрланди,
Ҳар бир айтган сўзингиз.

Хаёлда мен пешвоз чиқиб,
Осилдим бўйнингизга.
Тўхтамай кўз ёшларим
Тўкилди қўйнингизга.

Мен ҳас бўлдим, тўпроқ бўлдим.
Ўйнадим пойингизда.
Ҳазон бўлдим, япроқ бўлдим,
Ҳам окдим сойингизда.

Васлингизда маликаман.
Кетсангиз бағрим куйди.
Гўё нур бериб чақмоқ,
Лек осмон бағрин ўйди.

Жоним ҳаёт бошқа екан.
Бошқача ерур ҳаёл.
Андишани ўйлар екан,
Ёш ўтган сари аёл.

Ота – онам қилар номус,
Бошини егиб қўйдим.
Жигарларим бўлар ҳомуш,
Ғурурин тўкиб қўйдим.

Сўз демаслар ўзимга
«Ярим бахт» дея куяр.
Не дей юрак сўзимга?
Қалбим бир сизни суяр.

Мажруҳ дилим ўртайди,
Фарзандингиз ноласи.
Ишқимиздан ёшга тўлмиш,
Икки кўзнинг қароси .

Фарзандингиз- дилбандингиз
Кўзларини ёшламанг.
Майли кетинг мени ташлаб,
Улар кўнглин ғашламанг.

Кулиб юрсин, бахтга тўлсин,
Меҳр ёғсин кўзидан.
Жоним берай, айланайин
«Ота» деган сўзидан.

Кўзингизда нечун нам?
Мен деб ўзни қийнаманг.
Севгингизни туйиб ман,
Бахт нелигин билганман.

Елкангизга бошим қўйиб,
Тоғ нелигин хис қилдим.
Ўртанманг азоб чекманг.
Сиз билан бахтли бўлдим.

Ўзгаларнинг бахтин ўйлаб,
Мен ўзимни овутдим.
Шу сабаб шубҳа солиб,
Сизни ўздан совутдим.

Оғринтириб дилингизни.
Кўзимдан ёш тингани йўқ.
Қарғаманг ғарибингиз,
Ўзганики бўлганим йўқ.

Ростин айтсам виждон қийнар.
Ёнганларим етар бас!
Ўзгаларни зор қақшатиб,
Келгувчи бахт керакмас!

Ишқда ёндик оловландик,
Севгимиз бир ҳавасмас.
Зайнабларнинг фитналари
Кўз ёшимга арзимас.

Сиз дил ярим, мен дил ярим,
У дил ярим, билгайман.
Кумуш бўлдим, Отабегим
Бахтинг учун ўлгайман.

Жоним менинг, ёрим менинг,
Бўлсин сизга жоним фидо!
Дилим йиғлар, бағрим тиғлар,
Сўнги сўзим: АЛВИДО !!!

Muhabbat07

Дата: DUSHANBA, 2012.03.12, 11:57 | Сообщение # 5

Группа: Удаленные

Кўксимда Саҳрои Кабир

Севги кимларга ором ва бахтдир,
Лек мен учун азоб ва аччиқ тақдир.
Сиздан гўзал бир ишқ излаган эдим,
Кўксимда кўз очди Саҳрои Кабир.

Молу- давлат, дунё сўрамагандим.
Сўраганим фақат заррача меҳр.
Ғуссалар учун яралганмидим?!
Яна алдандим-а, куйдику бағр.

Қоп-қора зимистон этдику қаранг,
Кўксимга сиз отган захар ўқ энди.
Майли алдайверинг, тўйгунча алданг...
Қувончу-кайғунинг фарқи йўқ энди.

Muhabbat07

Дата: DUSHANBA, 2012.03.12, 11:57 | Сообщение # 6

Группа: Удаленные

Изламанг қабрларимдан

Соғиниб, соғиниб, соғинмай қўйгум.
Соғинчимни еб битирар, қайғу аламим.
Жавобсиз севгидан кун келар тўйгум,
Фақат сиз ранжиманг соғинчларимдан.

Қайғуга ёр бўлиб сиздан кетай ман,
Сиз йуқ жойларда айтинг нетай ман?!,
Охири бир куни ёниб кетай ман,
Фақат сиз ранжиманг қайғуларимдан.

Бир бахтли кун тугар сабру бардошим,
Қуриб битдику аҳир кўздаги ёшим.
Сизни кутиб ўтди қирқдан ҳам ёшим.
Фақат сиз ранжиманг бардошларимдан.

Ишонинг ҳар куни минг бор ўлдим ман,
Ёлвордим «етказ» деб оққушлардан ман,
Сизчи? Билмадингиз кутганларим ҳам,
Фақат сиз ранжиманг кутганларимдан.

Бари бир келмайсиз…, кўзимда қабр,
Севдим десам билмайсиз…, сўзимда қабр,
Ишончим тўлғанар, йиғлайди сабр,
Мен кетгач изламанг қабрларимдан.

Кўнгил кечмас, сиздан жафо кўрсамда,
Севгим яшар гарчи ўзим ўлсамда.
Сиз деб жаннатларда нола қилсамда,
Фақат сиз ранжиманг муҳаббатимдан.

Muhabbat07

Дата: DUSHANBA, 2012.03.12, 11:58 | Сообщение # 7

Группа: Удаленные

Сирли дилдорим

Бир кўриндингу қоши камоним,
Ўт қилиб кетдинг жисму жаҳоним.
Ўша тунни сира унитолмадим,
Нима қилиб қўйдинг мени дилдорим?!

Учрадинг тақдирнинг тор кўчасида,
Бебош туйғуларим сир уйчасида.
Бойландим умрнинг бир кечасида,
Нима килиб қўйдинг мени дилдорим?!

Оҳу кўзларингнинг қиёси йуқдир,
Кипригинг кўксимга санчилган ўқдир,
Оҳ, у қоматингнинг қиёси йўқдир,
Нима килиб қўйдинг мени дилдорим?!

Лиммо-лим қадахдан шароб ичиб ман,
Жарангидан сенинг кулгинг изласам,
Мастман майдан эмас, ҳаёлингдан ман,
Нима килиб қўйдинг мени дилдорим?!

Топмадим неча бор сени изладим,
Ўзи сир, сўзи сир, сирли ҳуморим.
Одатинг эдими била олмадим?
Юрагимни ёмон ўйдинг дилдорим!

Muhabbat07

Дата: DUSHANBA, 2012.03.12, 11:58 | Сообщение # 8

Группа: Удаленные

Нетай?

Бир йигит бор йўлларимда овворадур,
Гўё шамга ўзин урган парвонадур.
Дилни ўртаб ишқимизда кўп ёнадур,
Менинг дилим ўзгани деб ёнса нетай?

Рад этсам ҳам асло қолмас изларимдан,
Термулади меҳр истаб кўзларимдан,
Розилигим топмай куяр сўзларимдан
Шундай ишқда бизнинг дил ҳам куйса нетай?

Қору-ёмғир, масофани билмайди у,
Ишонаман ўзгаларни суймайди у,
Зайнабманми, Кумушманми билмайману?
Бебош кўнгил бевафони суйса нетай?

Айтдим унга ёрим бор деб, қўйди кулиб,
Бекор кулди… Юрагимни ўйди кулиб.
Ишонмади доим мени ёлгиз кўриб,
Ёрим бору, лекин ёлгиз бўлсам нетай?

Олисдадур ул ёримнинг остонаси.
Келинг десам жуда кўпдир баҳонаси.
Тўлиб борар Муҳаббатнинг паймонаси,
Қайсар кўнгил фақат уни севса нетай?

Muhabbat07

Дата: DUSHANBA, 2012.03.12, 11:58 | Сообщение # 9

Группа: Удаленные

Титраб турибди севгим

Тикон ботди, гул узгандим гулзорингиздан,
Бахт топмадим нетай сизнинг бозорингиздан.
Юрагим тўлиб кетди озорингиздан,
Киприкдаги ёшдек титраб қолди-ку севгим!

Хиёнатнинг кўчасида оқиб кетдингиз,
Гуноҳларнинг гирдобида ботиб кетдингиз.
Бизни ташлаб қай манзилга бориб етдингиз,
Киприкдаги ёшдек титраб қолди-ку севгим.

Уйингизнинг остонасин тўлдириб хазон
Илдиз отиб беор гуллар этибди макон.
Устингиздан кулар бўлди жумлаи жаҳон
Киприкдаги ёшдек титраб қолди-ку севгим!

Ёлгизим деб ишқингизни дилда асрасам,
Никохимиз ҳақи учун такрор асрасам,
Топтайсиз-а, гарчи уни минг бор асрасам,
Киприкдаги ёшдек титраб қолди-ку севгим!

Шод кунимда бирга бўлолмайсиз ҳам,
Малҳам бўлолмайсиз келганида ғам,
Нени кутай энди ундан эй қодир Эгам?
Киприкдаги ёшдек титраб қолди-ку севгим!

Muhabbat07

Дата: DUSHANBA, 2012.03.12, 11:59 | Сообщение # 10

Группа: Удаленные

Соғинч

Сизни соғинганим айтиб йиғласам,
Қушлар фарёд уриб ёндилар.
Тинглаб менинг юрак ноламни,
Гуллар маҳзун бўлиб қолдилар.

Дардим тинглаб хатто шамоллар,
Кўкка кетди, ерга сиғмасдан.
Азобимдан қора булутлар,
Кўз ёшимдек ёғди тинмасдан.

Менга дардкаш бўлди кунларим,
Бирга йиғлаб ўтди тунларим,
Куйди мендек ойу-йилларим,
Бир сиз билмадингиз СОҒИНГАНЛАРИМ.

Muhabbat07

Дата: DUSHANBA, 2012.03.12, 11:59 | Сообщение # 11

Группа: Удаленные

Бизни учраштирган кун

Лаънат деманг учраштирган кунимни,
Дарё бўлиб оқар кўздаги ёшим.
Бахтли эдим сизла ўтган кунимда,
Тош отсангиз тугар бардошим.

Майли топтаб ўтинг минг бора,
Тошлар отиб айланг бағримни пора.
Лаънатлаб куйдирманг дилимни ёр-а,
Бизни учраштирган бахтли кунимни.

Биламан тақдирлар айродир – айро,
Ҳижронлар этади бағримиз адо.
Қарғаманг…, ингирар қалбимда нидо,
Бизни учраштирган бахтли кунимни.

Сизга минг бора раҳматлар айтиб,
Кетаман ёлғизлик юртига қайтиб.
Фақат лаънат деманг, ўртаб дилимни,
Бизни учраштирган бахтли кунимни.

Сизнинг бағрингизни куйдирар армон,
Соғинасиз бирга ўтган тунимни.
Шу сабаб қарғайсиз йиғлаб эҳтимол,
Бизни учраштирган бахтли кунимни.

Muhabbat07

Дата: DUSHANBA, 2012.03.12, 11:59 | Сообщение # 12

Группа: Удаленные

Бахтлимисиз Мухаббат кетса?

Бўрондаги япроқдек титраб қоламан,
Мен сабаб дилингизга озорлар етса.
Жоним сизсизликка чидай оламан.
Сиз бахтли бўласизми Муҳаббат кетса?

Ўзимни ўйламай ҳеч маҳал, ҳеч вақт
Дунё азобига этаман тоқат.
Сезилмас азоби, ёқса танамни,
Сиз озор чексангиз куяман факат.

Бир куни сиз мени излаб келасиз,
Тополмай қалбингиз йиғлайди зор-зор.
Сиз мени ҳали кўп эслаб ёнасиз
Шу сабаб ҳозирдан чекяпман озор!!!

Muhabbat07

Дата: DUSHANBA, 2012.03.12, 12:00 | Сообщение # 13

Группа: Удаленные

Хиёнат

Юрагим туну-кун қийналар,
Оллохдан сўраб сабр.
Жонимдан ортиқроқ севар эдим,
Қилдинг сен беқадр.
Нима эди мени хатойим?
Нима эди айбим?
Кўзларим аччиқ ёшга тўлди.
Қутқаргин эй роббим.

Сени учратдим,
Бахтли кунларим.
Сен билан бўлди,
Янада сўлим.
Севгидан ўзгага
Сўз сўзламадим,
Ўзгалардан ҳеч
Ишқ изламадим.
Бир сени суйдим,
Азобда куйдим.
Уздинг қалб торим,
Тўлди паймоним.
Қучоғидасан
Бугун ўзгани,
Ҳамон билмадим,
Қандай чидадим?!
Оғулар ичдим.
Дунёдан кечдим.
Ортар азобим,
Нега учратдим?!

Юрагим туну-кун қийналар,
Оллоҳдан сўраб сабр.
Жонимдан ортиқроқ севар эдим,
Қилдинг сен беқадр.
Нима эди мени хатойим?
Нима эди айбим?
Кўзларим аччиқ ёшга тўлди.
Қутқаргин эй роббим.

Тақай деб боргандим
Қўлинга узук.
Ўзга билан кўрдим
Кўзлари сузук.
Қучиб буйнидан,
Қулингда шароб,
Аҳволинг аянчли
Ва эди хароб.
Калбимни тирнайди
Аламли суроқ:
Нега ахир айт,
Не учун хиёнат?
Севгинг улчови
Асли пулмиди?
Бойликми фақат?
Ўйлагандим
Фаришта ё малак,
Кўзимни очдинг.
Гулдан гулга қўнган
Беор капалак
Севгим йуқотдинг.

Юрагим туну-кун кийналар,
Оллохдан сўраб сабр.
Жонимдан ортиқроқ севар эдим,
Қилдинг сен беқадр.
Нима эди мени хатойим?
Нима эди айбим?
Кўзларим аччик ёшга тўлди.
Қуткаргин эй роббим.

Сени севгандим,
Кўнглим бергандим.
Кўр экан кузим,
Шукур англадим.
Азобда куним,
Вайрондир дилим.
Йиғлайди қалбимў
Кет энди севгим.
Кузимдаги ёш
Сен учун эмас.
Сен билан ўтган
Ёлғон кунимга.
Бўлди етар бас.
Менга керакмас.
Асло энди келма,
Келма ёнимга.
Афсус этарман,
Минг бора афсус,
Сенга аталган
ТУЙҒУЛАРИМГА !

Muhabbat07

Дата: DUSHANBA, 2012.03.12, 12:00 | Сообщение # 14

Группа: Удаленные

Менсиз бахтлимисиз ёлгизим

Ҳижронларга етади кучим,
Тоғлар тошин ундай элайман.
Йиғлаб сизни сўраса агар,
Юрагимни қонга белайман.
Факат бордир сизга бир сўзим
Менсиз бахтлимисиз ёлғизим !?

Muhabbat07

Дата: DUSHANBA, 2012.03.12, 12:01 | Сообщение # 15

Группа: Удаленные

Мени севинг жоним

Ўн саккиз ёшимда келган баҳорим,
Кўз очиб кўрганим,суюкли ёрим,
Севсангиз қолмагай дилда армоним,
Мени севинг жоним, сиз севинг жоним.

Шундай ёндиринг-ки, оташингизда,
Жунун-у, Фарходни ўртасин ҳолим.
Лайли, Ширин ёнсин-а ҳавасингизда,
Мени севинг жоним, сиз севинг жоним.

Ғанимлар дилини айлабон вайрон,
Тохир-у, Зухрони қилайлик ҳайрон.
Дунёлар айласин севгимиз достон,
Мени севинг жоним, сиз севинг жоним.

Севгингиздан бўлиб сармасту- сархуш,
Қайноқ қалбда ёнсин эҳтирос жунбуш.
Юзда хам ёндириб қучогингизда,
Мени севинг жоним, сиз севинг жоним.

Тугасин армонлар, аламлар битсин,
Муҳаббат кутганлар муродга етсин.
Жоним пойингизга тўкилиб кетсин,
Мени севинг жоним, сиз севинг жоним.

Muhabbat07

Дата: DUSHANBA, 2012.03.12, 12:02 | Сообщение # 16

Группа: Удаленные

Сиздан кетдим, сиздан кетдим

Сизни жондан севган эдим,
Кўролмади қарға, зоғлар.
Ажратдилар, куйди дилим.
Хотиралар дилни доғлар.

Тинмай эсган бўронлардан,
Емрилади ҳатто тоғлар.
Ағёрларнинг ағёридан,
Ҳазон бўлди бизнинг боғлар.

Оилам дедим, севгим дедим,
Кўз очинг деб қилдим зорлар.
Эшитмади ҳеч ким мени,
Топилмади кўнгли соғлар.

“Кетма” деган бир сўзни мен.
Нигоҳлардан излагандим,
“Кет” дедингиз қилиб жафо,
Гуноҳимни билмагандим,

Майли, сизнинг наздингизда,
Гуноҳкормиз, гуноҳкор - биз.
Чилла гўдак ноласида,
Эритмади тош кўнглингиз.

Сўз демадим, бошим эгдим,
Ёр кўнглингиз билдим, кетдим.
Адолатсиз бўлди жазо,
Дунёлардин тўйдим, кетдим.

Ширин орзу билан келиб,
Қўлда болам билан кетдим.
Жоним қолди остонангда,
Сурат бўлиб қолдим кетдим.

Билган эдим азобингиз,
Лек орзунгиз кўрмай кетдим.
“Ёр топманг-а биздан ортиқ”,
Дилга нола солдим, кетдим.

Ёр-ёр билан келган уйим,
Келинлигим қолган уйим,
Чирқиллама чимилдиғим,
Уволинг бор, нетай кетдим.

Жон қақшади кетар чоғда,
Орзуларим кўмдим кетдим.
Бағрим қону, вайрон дилим,
Билдирмадим, кулдим, кетдим.
Муҳаббат Пардаева

♥VioLeTTa♥

Дата: DUSHANBA, 2012.03.12, 13:34 | Сообщение # 17

Группа: Удаленные

zo'rku

Muhabbat07

Дата: SESHANBA, 2012.03.13, 11:44 | Сообщение # 18

Группа: Удаленные

Азизим

Жондан севганман ўзим,
Қурбон бўлай ёлғизим.
Ҳаётимнинг мазмунисиз,
Биласизми азизим ?

Йўлингизга муштоқман,
Сезмайсизми азизим ?
Ўлдириб соғинчимни,
Келмайсизми азизим ?

Висолингиз умидида,
Ўртандим, тиланг тўзим.
Сиз ҳам биздек фироқларда,
Куясизми азизим ?

Кўзингизнинг қорасида ,
Қани мангу қолсайдим.
Ҳижронларнинг орасида,
Қийнадингиз азизим .

Бор дунёмни унутиб ,
Йўлингизда гар кўзим ,
“Соғинибди Муҳаббат”
Деб келингда азизим.

Меҳрибоним баъзида
Юракка ботса сўзим,
Жафоларим боиси,
Соғинчимдан азизим !

Muhabbat07

Дата: SESHANBA, 2012.03.13, 11:46 | Сообщение # 19

Группа: Удаленные

Мен ҳамон кутяпман Отабегимни

Қодирийнинг асарида қолган Кумушман,
Ҳа ўшаман, ҳижронлардан тўйган Кумушман.
“Сиз ўшами? ”дея бахти куйган Кумушман,
Мен ҳамон кутяпман Отабегимни.

Тез келмоқни вада айлаб узоқ қолдими?
Тинчликмикан ё узгалар кўнглин олдими?
Ўзбегойим йулларини бойлаб қолдими ?
Мен ҳамон кутяпман Отабегимни!

Жавоб хати.?? Нега ..? ўйлантирди бу сўроқ?
Йўқ, йўқ. Бегим ахир бундай жафодан йироқ?
Хатлар бўлди бахтимизга хўп тузоқ,
Мен ҳамон кутяпман Отабегимни.

Келиб Марғилонга, тез қайтиб изларига,
Қизгандими?, зор этибди бир сўзларига.
Бахтимиз қурбон бўлди аразларига,
Мен ҳамон кутяпман Отабегимни.

Билсам эди ёлғиз қўймай кунларини,
Кўз ёшидан дарё ясаб,тўсар эдим йўлларини.
Тушунмасдан бу дунёнинг сирларини,
Мен ҳамон кутяпман Отабегимни.

Айбламанглар султонимни “беқарор ”деб,
Зайнаб, Кумушларга қилди жафо деб,
Юрибдику бегим ҳам тақдирдан тўйиб,
Мен ҳамон кутяпман Отабегимни.

Юрак бағри тўлиб кетган озорлардан.
Эҳ, топди-да Зайнабни у хазонлардан,
Йули эгри, нархи арзон бозорлардан!
Мен ҳамон кутяпман Отабегимни.

Оҳ .., билмадида маккор дунё ишини,
Қўш хотинлик оловида куйишини.
Ҳазон қилди жондан суйган Кумушини…
Мен ҳамон
кутяпман
Отабегимни!

Muhabbat07

Дата: SESHANBA, 2012.03.13, 11:46 | Сообщение # 20

Группа: Удаленные

Сиз чиданг жоним

Ўйу-ҳаёлингиз бошқа қизларда,
Кўзингиз нигоҳи ўша изларда.
Менга фақат айтиб, айтиб сўзларда,
Севаман деб нечун алдайсиз жоним?

Вадаларни хўп айлайсиз бисёр,
Йўлингизда этиб дилни интизор.
Эр йигит бўлмайди бунча беқарор,
Келаман деб нечун алдайсиз жоним?

Келмасангиз бўлар бир сизга жафо,
Мендай қиз тополмай бўласиз адо.
Бир куни соғиниб келасиз аммо,
Шундай фироқларга, сиз чиданг жоним!

Muhabbat07

Дата: CHORSHANBA, 2012.03.14, 12:27 | Сообщение # 21

Группа: Удаленные

Дўстим Оллоҳим

Иблис юрар теграмда кезиб
Чорлар мени у ёлғиз сезиб,
Адаштирмок истаб, кўрсатар гулзор
Асли сароб у бир тиконзор
Дилимга қул солар , иркит қўллари.
Бормасман залолат унинг йўллари
Шайтонга нишон бўлмагай кўксим.
Ахир сен борсан-ку, ёнимда дўстим !

Ташлаб кетди мени ёр деб суйганим,
Базан алам қилар, у деб куйганим.
Ошкора қучар ўзгани бугун,
Эҳ.., қийнайди юракни тугун.
Аламлар қўйдику бағримни эзиб,
Йиғламай дейману, ёш кетар сизиб.
Кетса кетаверсин куймагай кўксим,
Ахир сен борсанку ёнимда дўстим!

Жоним деб қучсамда гоҳо боламни,
Тушунмайди осло дилда ярамни.
Қайдан ҳам билсин у, ҳали бола-да,
Ҳаёли банд унинг гулу лолада.
Фарзандим қалби ҳеч кўрмасин ғам,
Меҳирни билмаса не бўпти эркам?
Билмаса дардимни куймагай кўксим,
Ахир сен борсан-ку ёнимда дўстим.

Олис-олисларга термуламан жим,
Топтаб ўтар мени, устимдан ғаним.
Тиржайиб кулади қилиб масхара,
Кимларга кулгу бўлдим-а, қара?
Ғариб билиб мени кулаверсинлар,
Ўзларни шод қилиб юраверсинлар.
Хор этсаларда куймагай кўксим,
Ахир сен борсан-ку ёнимда дўстим.

Гарчи сочсамда бор бут меҳримни,
Кўксимни ўярлар, ёқар бағримни,
Дўстингман дейди-ю, қўлин чўзарлар,
Менга керагида юзин тўсарлар.
Оллоҳим, синадим дўстман деганни,
Топмадим сендан бўлак бир меҳрибонни.
Неки тушса бошимга бўлмагай оҳим,
Қалбимда бўлсанг бас, дўстим Оллоҳим.

Muhabbat07

Дата: MUBORAK JUMA, 2012.03.16, 08:43 | Сообщение # 22

Группа: Удаленные

G'amingni o'zgalar bilmasin desang,
Bilsa-yu, ustingdan kulmasin desang,
Kulib, gunohga yuz burmasin desang,
Qayg'uda ham ba'zan kulishni o'rgan.

_MAFIYA_

Дата: MUBORAK JUMA, 2012.03.16, 12:41 | Сообщение # 23

Группа: Удаленные

Xar qalbni ming dardli ertagi
uzun
4indan yarimi Wodlik yarimi
gam har kun.
Hayotim bir onda bo`ldi ostun-
ustun.
Ex yarim baxtim gar bo`lsa edi
butun.
Nafasim bo`g`zimdan 4iqmay
bo`g`ildi.
Sani o`yluvirib yure siqildi.
Suratinge boqib ko`zlarim
to`ymas.
Owiq ko`zlarimi tawlab
ketaman.
Iwq dardiga bo`man mutalo.
Bu dardi terlar bedavo.
Sog`inganda ko`zim yumsam
gar.
Uchrawtirar uwal wirin
hayollar.

Muhabbat07

Дата: MUBORAK JUMA, 2012.03.16, 13:30 | Сообщение # 24

Группа: Удаленные

Соғинчни билмайсиз!

Соғинч не билмайсиз, ураверманг лоф,
Уятдан ёрилар ҳатто Куҳи Қоф,
Сизда бўлса агар заррача инсоф,
Соғиндим деб ёлғон айтманг ёрижон.

Соғинчнинг нелигин сўранг ўзимдан,
Йўлга хўп термулиб толган кўзимдан,
Айтилмай юракда қолган сўзимдан,
Соғиндим деб ёлғон айтманг ёрижон.

Соғинчни сиз бедор тунимдан сўранг,
Сизни ўйлаб ўтган кунимдан сўранг.
Ўртада саргардон йўлимдан сўранг,
Соғиндим деб ёлғон айтманг ёрижон.

Сўранг уни кўзда оққан ёшимдан,
Юзга ажин чизиб кетган ёшимдан.
Соғинч сабаб захар томган ошимдан,
Соғиндим деб ёлғон айтманг ёрижон!

Соғинчдан юракда яралди қафас,
Туним не? ҳатто куним ёришмас.
Алдовни қўйинг бир он, бир нафас,
Соғиндим деб ёлғон айтманг ёрижон.

Минг бора қарадим, гувоҳдир эшик,
Аллага зор бўлиб чанг босган бешик.
Ёлғондан қийналиб кетди-ку бу жон,
Соғиндим деб ёлғон айтманг ёрижон.

Соғинсангиз излаб келмасмидингиз?
Бир бора ҳолимни сўрмасмидингиз?
Менинг дардим англаб билмасмидингиз?
Соғиндим деб ёлгон айтманг ёрижон.

Соғинчингиз факат гапда экан-ку?
Ёки бор сўзингиз сохта экан-ку?
Йўқ, йўқ, қўйинг ёлғон баҳонани-у,
Соғиндим деб ҳечам айтманг ёрижон.
Энди
Ёнимга
Қайтманг
Ёрижон .
Муҳаббат Пардаева

_MAFIYA_

Дата: MUBORAK JUMA, 2012.03.16, 17:06 | Сообщение # 25

Группа: Удаленные

Yana o'sha alam o'sha
iztirob,
Hijron qo'llarida bo'ldim-ku
xorob,
Dardga shifo bermas hattoki
sharob,
Yig'larman, yig'larman,yana
yig'larman.
Siz uchun egildi tik turgan
boshim,
Endi qaro tunlar mening
sirdoshim,
Daryodek oqadi ko'zdagi yoshim,
Yig'larman, yig'larman,yana
yig'larman.
Orzular, adalar uchdi havoga,
Nahot mendek oshiq sig'mas
dunyoga,
Nolalar yetmas-mu qodir xudoga,
Yig'larman, yig'larman,yana
yig'larman.
Taqdir sinolari ayirdi bizni,
O'zga yor qo'liga tutqazdi sizni,
Yurakdan sevgandim bir
o'zingizni,
Yig'larman, yig'larman,yana
yig'larman.
Besh kunlik dunyodir hammasi
yolg'on,
Bizgacha bu olam kimlardan
qolgan,
Siz urur yurakka azoblar solgan,
Yig'larman, yig'larman,yana
yig'larman.
Baxtingiz tilashdan yo'q o'zga
choram,
Barcha qizlar ichra tanho,
yagonom,
Alvido, alvido mangu durdonam,
Yig'larman, yig'larman,yana
yig'larman.

"Менсиз бахтлимисиз ёлғизим" китобидан лавҳалар (М.Пардаеванинг ушбу китоби Рес. киокларида сотувда!)

Страница 1 из 4
1
2
3
4
»