ОНА ЮРТ
Алпомишлар юрти бу, ботирлари бонг урган,
Асл зотлар юрти бу, жахонга қаддин терган.
Турон юрт бу, куҳна юрт, кук тоқига ниш урган,
Темурийлар юрти бу, еру – кукка муш урган.
Олов юрт бу, асов юрт, олтинларга йўғрилган,
Одил юрт бу, оқил юрт, адолатдан туғилган.
Мир Алишер юрти бу, Ибн Синолар юрти,
Асарлари нур бўлиб, осмонлардан ёғилган.
Қадим юрт бу, қодир юрт, қаллоблардан ор этган,
Чаман юрт бу, саман юрт, суллоҳларни зор этган.
Исломийлар юрти бу, иймонлиларнинг юрти,
Кофиру, густоҳларга, заминини тор этган.
Ота юрт бу, она юрт, аждодларимдан мерос,
Омон юрт бу, озод юрт, навқирон қадим олмос.
Авлиёлар юрти бу, раббим назарин солган,
Саждалар этинг ҳар он, чин дилдан қилиб ихлос.
Турсуной Вахобова
|
