* * *

Futbol matchi. VIP o'rindiqlarda 10 yoshli bola o'tiribdi. Tomoshabinlardan biri:
-Bolakay bunday qimmat biletga pulni qayerdan olding?
-Dadam olib berdilar.
-Dadangning o'zi qani?
-Uyda biletni qidiryaptilar.

* * *

Nabira buvisidan so'rabdi:
-Buvijon necha yoshsiz?...

-Oltmishda.
-Barmoqlaringizda ko'rsating...

* * *
-Necha yoshsan?
-Yaqinda sakkiz, hozircha esa uch...

* * *

-Qizaloq, suzishni bilasanmi?
-Ha bilaman.
-Qayerda o'rgangansan?
-Qayerda bo'lardi suvda-da!!!

* * *

-Oyingning ismi nima?
-Bilmayman.
-Dadang oyingni qanday chaqiradi?
-"Bu yoqqa qara".

* * *
Bir oilada bolakay yetti yoshigacha gapirmagan ekan. Bir kuni esa nonushta paytida deydi:
-Nimaga mening choyimga shakar solinmagan?
Xursand bo'lib ketgan ota-ona bexosdan:
-Nimaga oldin gapirmas eding?
-Oldin choyim doim shakarli bo'lardi-da!!!

* * *

Xursandlikdan ichiga sig'magan ota tug'uruqxonadan uyga keladi va o'g'liga qarab:
-Mana o'g'lim, endi sening kichkinagina singling bor!
-Dada, siz menga singil emas, kuchukcha olib kelib beraman degan edingiz-kuuu!!!

* * *
Bolakay do'stiga qarab:
-Ishonmaysan, mening kuchugim shunaqa qo'rqoq, shunaqa qo'rqoqki, eshik taqillasa, darhol divanning tagiga berkinib oladi.
-Senga farqi nima, berkinsa, berkinaversin.
-Nima?! Divanning tagiga ikkalamiz sig'maymizda...!!!

* * *

- Oyijon Yorqin bilan o'ynab kelsam maylimi?
- Yo'q u yomon bola...
-Unda borib, uni urib kelsam maylimi?

* * *

Bir qizaloq qumloqda o'tirib bir narsani kavshab o'tirar edi.
Uning oldiga katta odam kelib, so'rabdi:
-Ey qizaloq nima yeyapsan?
Qizaloq esa:
Bilmiman, o'ji shudralib keldi!?

* * *

Ota va o'g'il baliq oviga kelishibdi. Ota o'g'liqa qarab debdi:
-O'g'lim, baliqlarga olib kelgan nonni uzatvor.
-Dada men uni yeb qo'ydim.
-Unda menga bo'tqani ber.
-Men uni ham yeb qo'ydim.
-Unda mana bu chuvalchanglarni yeginda, keyin uyga ketamiz.

* * *

Ona qiziga debdi:
- Qizalog'im, nima qilyapsan?
-O'rtog'imga xat yozyapman.
-Axir yozishni bilmaysanku!
-Aaa, qo'yavering, u ham o'qishni bilmaydi!

* * *

-Qanday qilib bir o'zing hamma yoqni ag'darishga ulgurasan-a?!
-Oyijon, bugun juda vaqtli turganman-da...

* * *

-Fil'mga bilet qancha turadi?
- 2000 so'm!
- Menda faqat 1000 so'm bor, iltimos kiritvoring, faqat bitta ko'zim bilan ko'raman.

* * *
Bolakaydan so'rashdi:
-Katta bo'lganingda kim bo'lasan?
-Bolakay dedi:
-Albatta arxitektor! Burchaklarsiz, dumaloq uy quraman!
-Nega endi?
-Burchakda turish jonga tegib ketdi!!!...

* * *

-Oyijon, oyiii! Siz sotib olgan tyubikda qancha pasta borligini bilasizmi?
-Yo'q, qancha?
-Stoldan muzlatgichgacha!!!

* * *

Bolakay tanimaydigan bir ayolga konfet berib deydi:
-Xolajon mana bu konfet sizga.
-Raxmat bolakay.
-Shirin ekanmi?
-Juda ham shirin ekan.
-Qiziq. Nega unda meni kuchugim bilan mushugim uni tufurib tashlashaverdi...!!!

* * *

- Agar bo'tqani yemasang, Yalmog'iz Kampirni chaqiraman.
- Oyijon, Yalmog'iz Kampir ShU bo'tqani yeydi deb o'ylayapsizmi?

* * *

-O'g'lim, mana senga kumush metallidan yasalgan qoshiqcha. Uni choy ichganinda stakaninga solasan. Kumush mikroblarni o'ldiradi.
-Voy, unda man nima o'lgan mikroblarni ichamanmi?

* * *

Bolakay onasini shoshiltirib:
-Oyijon meni tezroq kiyintiring!
-Qayerga bunday shoshilyapsan ?!
-Bog'chaga. U yerda meni bolalar kutishyapti.
-Do'stlaring bilan birga nima qilasizlar?
-Mushtlashamiz!

* * *

Bir bolakay sigirga suv berishaytganini ko'rib qoladi va o'zining tanqidiy fikri bilan deydi:
-mana shunday qilib sutga suv qo'shishadi !!!!!...

* * *

Ona:
-Kim nokni yeb qo'ydi?
Qizi (qo'rqib)
-Bilmayman!
-Yana yeysanmi?
-Ha, yeyman !!!

* * *
Oyijon, maylimi ko'chaga chiqsam?
-Kir quloqlaring bilanmi?
-Yo'q, o'rtoqlarim bilan...

* * *

-Voy bolajon, senga nima bo'ldi? Nega unday oqarib ketding?
-Hech narsa bo'lagni yo'q, oyim cho'miltirgan edilar...

* * *

Olti yoshli bolakay so'radi:
-Menga qara, nega sherlar faqat xom go'sht yeydilar?
- Chunki ular pishirishni bilmaydilar..., - dedi sakkiz yoshli opasi.

* * *