Бугун ФИФА жаҳон терма жамоаларининг янги рейтингини эълон қилди. Жаҳон
чемпионатидан сўнг рейтингнинг кўриниши кўпчиликка қизиқ бўлса керак.
Кутилганидек,
ўз тарихида жаҳон тожини илк марта кийишга муваффақ бўлган Испания
терма жамоаси биринчи ўринга кўтарилиб олди. Иккинчи ўринга эса
вице-чепмион — Голландия термаси кўтарилиб олди. Бразилияликлар эса
карвонбошликдан 3-ўринга тушиб кетишган бўлса, Германия ва Аргентина
терма жамоалари кейинги ўринларни эгаллаб туришибди. Шунингдек, Уругвай
(6-ўрин), Миср (9), Чили (10) терма жамоалари катта ўсишга эришиб,
кучли ўнликка кириб олишди.
Ўзбекистон терма жамоаси эса 7
поғона кўтарилиб, 87-ўринга жойлашди. Бу эса Осиё давлатлари ичида
10-кўрсаткичдир. Австралия терма жамоаси аввалги эгаллаб турган ўрни
(20)дан қимирламаган бўлса, японияликлар 13-поғона ўсишга эришиб, 32 га
чиқиб олишди. ЖЧда 1/8 финалга чиққан Жанубий Корея термаси ҳам
кўтарилмай қолмади — 3 поғона кўтарилиш ва 44-ўрин.
Терма жамоаларнинг июль ойи рейтинги билан ФИФАнинг расмий сайтида
танишиб олшингиз мумкин. Кейинги рейтинг жадвали Ўзбекистон терма
жамоаси Албания билан ўртоқлик учрашуви ўтказадиган кун — 11 август
куни эълон қилинади.
