Yangi dizaynda foydalanuvchi profili yanada kattaroq hajmga ega bo‘lib, endi mushtariylar uning eng yaxshi “tvit”larini ko‘rishi mumkin. Akkaunt egasi o‘zining ma’lum bir “tvit”ini eng yuqoriga “osib” qo‘yishi mumkin. Yangiliklar tasmasini uch xil variantda ko‘rish imkoniyati mavjud: faqat tvitlar, foto va videoli yozuvlar hamda boshqa foydalanuvchilarning javoblarini ham o‘z ichiga olgan barcha “tvit”lar.
Twitter profillarining yangi ko‘rinishi bir necha hafta ichida barcha foydalanuvchilar akkauntida aks etadi.
Eslatib o‘tamiz, yaqinda ba’zi foydalanuvchilarda profil ko‘rinishi va “retvit” tugmasi o‘zgarib qolgan, shuningdek, Twitter’ning iOS va Android dasturida har bir tvit necha marta ko‘rilgani aks eta boshlagan edi.
