Shirin tush ko‘rayapsiz, deylik. Afsuski, kimdir uyg‘otib, ajoyib tushingizni sizni sarobga aylantirdi. Albatta, achchiqlanasiz. Yo‘q, bunday qilmang. Axir sizda tushingizning o‘sha shirin lahzalarini xotirangizda qayta jonlantirish imkoniyati bor. Oshirib yubordingiz-ku, deyapsizmi, unda eshiting.

Amerikalik tinib-tinchimas ikki shinavanda — rassom Fernando Orellana va robot ustasi Brendon Berns birgalikda bir robot-android ixtiro qildi. "Sleep Waking” deb ataladigan ushbu robotning g‘aroyibligi shuki, u ko‘rgan tushingizni, agar tafsilotlarni butkul unutib qo‘ygan bo‘lsangiz ham, o‘z harakatlari orqali asosiy holatlarni namoyish eta oladi.

Kashfiyotchilar o‘z ixtirolarini sinovdan o‘tkazishgachgina uni ommaga e’lon qildi. Ularning aytishlaricha, sinov payti Orellananing o‘zi tajriba ob’ekti vazifasini o‘tagan. Ya’ni, u maxsus datchiklar o‘rnatilgan holda uxlagan. Moslamalar uning ko‘z harakatlari, miya faoliyatiga oid va boshqa ma’lumotlarni qayd etib borgan. Bir paytning o‘zida "Sleep Waking” ham uyquning asosiy lahzalarini o‘z harakatlari bilan ko‘rsatib turgan. Moslamalar androidning haqligini tasdiqladi.

Masalan, Orellana uyqusirab, o‘ng tarafga o‘girilganda, robot ham boshini o‘ngga burgan. Bu dalil esa olimlar tajribasi muvaffaqiyatli o‘tganidan darak beradi.