|
"Терминатор” фильмининг биринчи ва иккинчи
қисмларини Жеймс Кэмерон билан ҳаммуаллифликда ёзган сценарийнавис Билл
Фишер энди бешинчи ва олтинчи қисмлар учун ҳозирлик кўрмоқда.
Фишернинг айтишича, янги қисмларда у учинчи
"Терминатор”даги Жонатан Мостоу ва тўртинчи қисмдаги Мак Ги образларини
битта воқеага бирлаштирган.
Шу билан бирга, у аввалги қисмлардаги ғоялар, масалан, вақт оралиғидаги сайрдан ҳам фойдаланган.
Бешинчи қисмдаги воқеалар апокалипсис остонасидаги дунёда юз беради.
Кайл Риз Сара Коннор билан учрашиш учун вақт оралиғидан ўтишнинг янги
усулини топади. Фишер губернаторлик муддати ниҳоясига етган
Шварценеггер учун ҳам янги образ ўйлаб топган.
Одатдагидек, янги қисмларда ҳам бир нечта янги ёвузлар мавжуд бўлади.
"Терминатор” образини сотиб олган "Pacificor” фонди янги қисмларни
суратга олиш учун "Sony” ва "Lionsgate” компанияларига продюсерлик ва
дистрибюторлик қилиш таклифини билдирган. Аммо икки компания бу
таклифга ҳозирча жавоб бергани йўқ.
| 
