 Ўзбекистонда хизмат кўрсатган артист Сардор Раҳимхон 13-14 ноябр куни “Истиқлол” санъат саройида янги яккахон концертини тақдим этади. Айни пайтда хонанда бутун ўй хаёлини шу ижодий имтиҳон билан банд этган. Хушхабарларга қараганда, концерт афишалари пойтахт кўчаларига илинганига ҳали у қадар кўп бўлмай, чипталарнинг 45 фоизи сотиб бўлинган!
-Мен бундан хурсандман. Концертга айни пайтга жуда катта тайёргарлик кетяпти. Энг таниқли рассом, энг таниқли режиссёр, энг таниқли либос дизайнери... Хуллас, энг профессионалар билан ҳамкорликда ишлаяпмиз. Мақсад, пулига чипта харид қилиб келган мухлислар концертим давомида мириқиб дам олсин, унутилмас таассуротлар билан зални тарк этсин! Ўйлашлари мумкин, Сардор концертдан мўмай даромад ишлайди, деб. Йўқ, аксинча, менга концертимдан умуман фойда керак эмас! Айни пайтда концертим кунини яна бир кунга кўпайтиришмоқчи ҳам. Бироқ, мен концертни пойга учун қилмаяпман! – дейди, хонанда.
Яна маълумотларга қараганда, концертда 10 та янги тарона куйланиб, Сардор навбатдаги шогирдини элга танитади. Унинг исми Ҳумоюнмирзо. Концерт кунлари хонанда 35 та ўзи томонидан назмий талаффузда ўқиган шеърларининг аудио альбоми ҳамда шу пайтгача ён дафтарчасига қоралаб келган афоризмлар китобчасини мухлислари эътиборига ҳавола этиш ниятида!
|
