 Таҳририятга хонанданинг ашаддий мухлиси қўнғироқ қилиб, «Азиза Ниёзметова яқинда Самарқандга турмушга чиқибди» деб эшитдим, шу ростми?» дея савол берди. Мухлисамизнинг саволига жавоб олиш мақсадида хонанда билан боғланишга ҳаракат қилдик. Аммо ҳар сафар Азиза Ниёзметованинг маъмуридан бир хил жавоб эшитавердик: «Азиза ҳозир Самарқандда. Келса, ўзи бунга ойдинлик киритади». Ва ниҳоят хонанданинг шахсан ўзи билан боғланишга муваффақ ҳам бўлдик.
- Ростини айтсам, кўҳна ва ҳамиша навқирон Самарқандга хизмат сафари билан келиб, бу ердан кетолмай қолдим. Мухлисларимнинг қўйиб юборгилари йўқ. Турли кеча, концертларда иштирок этяпман. Турмушга чиқаётганим эса, шунчаки миш-миш. Самарқандда узоқ қолиб кетганим учун шундай гаплар тарқалгандир балки. Бундан буёғига шахсий ҳаётни йўлга қўйиш керакдир, аммо шошилиб қарор қабул қилишни истамайман. …
Дарвоқе, хонанда яқинда ўз мухлисларига янги бир таронани тақдим этишни режалаштирган. Қўшиқ мазмуни «агар ҳозирги ақлим бўлганида, сени севмаган бўлардим» қабилида. Азиза Ниёзметова тез орада пойтахтга қайтиб, ўз мухлисларини янги-янги қўшиқлари билан хушнуд этишига умид қиламиз.
|
