Европа оммавий ахборот воситалари "Милан" клуби аъзоси Рональдиньони яқин вақтлар ичида Бирлашган Араб Амирликлари чемпионатида иштирок этувчи жамоалардан бирига йўл олиши ҳақида хабар тарқатди.
Хабарда келтирилишича, ҳозирча футболчининг хизматларига қизиқаётган жамоанинг номи маълум этилмаган. FootballPress нашри эса, Роналдиньонинг навбатдаги жамоаси БААнинг амалдаги чемпиони "Ал-Ваҳда" клуби бўлишини тахмин қилмоқда. Шунингдек футболчини ўз сафида кўришни истаётган жамоалар қаторида "Ал-Ваҳда"дан ташқари, "Ал-Айн" ва Фабио Каннаваро тўп сураётган "Ал-Аҳли" клублари ҳам бўлиши мумкин.
