Райҳон жуда қизиқувчан қиз. Шу боисми, концертдан сўнг Лондон бўйлаб саёҳат қилишга ошиқди. Биг Бен, Лондон Кўприги, Тоwer  Кўприги, Лондон "Кўз”и, Мадам Тьюссо, Букингем Саройи...Буюк Британия пойтахтининг тарихий обидаларию замонавий иншоотларини бирма-бир кўздан кечирди. Энг қизиғи, хонанда ҳар бир инсон яратган  бунёдкорлик мўъжизаларини болаларча ҳайрат билан қарши олди. Сайтимизнинг "Галерея”сида севимли Райҳонинг Лондон бўйлаб энг шов-шувли саёҳатидан эксклюзив фотосуратларни томоша қилинг.

(Фурсатдан фойдаланиб, Лондон шаҳрида таҳсил олаётган барча ёшларимизга, хусусан, ушбу гастрол сафари ташкилотчиларидан бири, концерт продюсери Сирожиддин Такхировга миннатдорчилик билдирамиз! )

ЯРАТГАН ИСТАСА, БИГ БЕННИНГ ЁНГИНАСИДА ҲАМ СУРАТГА ТУШИШ МУМКИН!

РАЙҲОН "ҚЎҒИРЧОҚ" ҚИРОЛИЧАЛАР (МАЙЛИ-ДА!) ОЛДИДА ЎЗИНИ ҚАНДАЙ ТУТИШНИ СИНАБ КЎРДИ. КЕЗИ КЕЛИБ, БАЛКИ БУНДАЙ ОНЛАР ҲАҚИҚАТГА ҲАМ АЙЛАНАР!

БУКИНГЕМ  САРОЙИНИНГ ЁН КИРИШ ДАРВОЗАСИ. РАЙҲОН ФАРИШТАМИСОЛ ҲАЙКАЛЧАЛАРГА МАҲЛИЁ БЎЛИБ ҚОЛДИ

ЛОНДОН "КЎЗ"И БИЛАН БУТУН ШАҲАРНИ ТОМОША ҚИЛИШ НАСИБ ЭТМАДИ. БИРОҚ, ОБДОН БУ АЖОЙИБ ИНШООТ КУЗАТИЛДИ. АХИР, УНДА АЙЛАНИШ УЧУН НАҚ 30 ДАҚИҚА КЕТАДИ. ВАҚТ ТИҒИЗ ЭДИ...

ДЕРАЗА ОЛДИДАГИ УШБУ ЯНГИ ЙИЛ СУРУРИ КЕЗАЁТГАН ДЕКОРАЦИЯ ҲАМ УНИНГ НИГОҲИНИ ЧЕТЛАБ ЎТМАДИ...

ЖАСУР ҲАМРОЕВ.

ТОШКЕНТ-ЛОНДОН-ТОШКЕНТ