09.10.10 sanasi kuni Alisher Navoiy nomidagi kinosaroyida "Ko'zgu films" mahsuloti bo'lgan "Qorako'z" kinokartinasining premyerasi bo'lib o'tdi. Zal muhlislarga to'ldi! Sahnaga ijodiy jamoa taklif qilingunga qadar, Mirjamol va Bin janoblari (Sherzod)
muhlislarga o'zlarining ijodlarini taklif qilishdi. So'ng film
ijodkorlari va aktyor sahnaga qarsaklar shodasi ostida taklif qilindi.
Ular sahnaga chiqqunga qadar qarsaklar to'xtagani yo'q. Jahongir Ahmedov film haqida "sevgining aniq formulasini topdik deb o'ylayman"
deb o'tdi. Qiziq. Film haqida so'z yuritsak, filmda barcha voqealar
kutilmaganda sodir bo'ladi. Endigina baxt keldi deb o'ylaganda, yana
kutilmagan voqealar sodir bo'lishi, muhlislarni yanada qiziqtirdi desak
xato bo'lmaydi. Alisher Uzoqov va Zarina Nizomiddinova ham o'z obrazlarini ajoyib tarzda yoritib berishgan. Zarinaning
shou-biznesga qaytishi omadli keldi. Film mobaynida kinomuhlislar bir
necha bor qarsaklarni taqdim qilishdi. Komediya filmlardan zerikkan
tomoshabin filmni maroq bilan tomosha qildi. Film so'nggida esa ko'z
yoshlarni ham ko'rdik. 100marta gapirgandan ko'ra 1marta ko'rgan yaxshi. Film Alisher Navoiy nomidagi kinosaroyi(Panarama)da turli xil seanslarda taqdim etilmoqda. Filmga marhamat! Ko'ring va o'z fikringizni saytimizga yozib qoldiring!
