| Статистика |
XOZIR SAYTDA 4 MEXMON 4 FOYDALANUVCHI 0 |
|
 | |  |
| Главная » 2009 » Октябрь » 25 » Qizlarga!!!
|
1 тур. Қум соат: ингичка бел ва кенглиги бўйича бир хил бўлган елка ва сонлар.
ҚОМАТИНГИЗНИНГ ПРОПОРЦИЯЛАРИ АЪЛО ДАРАЖАДА. Сизга исталган бичимдаги кўйлаклар ярашади, айниқса, белига келиб торайган ёки камарли кўйлаклар, пасти клеш ёки бироз тор юбкалар сизни янада очиб юборади. Асосий қоида – белга эътибор!
НИМА ТАНЛАШ КЕРАК: юпқа трикотаждан тикилган гавдага ёпишиб турувчи кўйлаклар қоматингизда бенуқсон туради. Енгсиз V шаклидаги чуқур ўйилган ёқали кўйлаклар кўкракни чиройли қилиб кўрсатади. Шокилалар билан безалган 20-йиллар услубидаги танго учун тикилган кўйлакларни айтмайсизми! Улар фақат сизнинг қоматингиз учун яратилгандай.
2 тур. Тўнтарилган учбурчак: елкалар сонлардан кенгроқ, бел гавдада ажралиб турмайдиган қомат
ҚОМАТИНГИЗ ХУДДИ СУЗУВЧИ АЁЛЛАРИНИКИДАЙ, шунинг учун елкаларингиз кенглигини билинтирмасликка ва гавданинг пастки қисмини каттароқ қилиб кўрсатишга ҳаракат қилинг. Асосийси – урғуни сонларга бериш!
НИМА ТАНЛАШ КЕРАК: елка боғлари иложи борича бўйинга яқинроқ жойлашган кўйлаклар. Бунда “алоҳида эътибор” ўмровлар ўртасидаги жойга қаратилади, бу эса елкаларнинг кенглигини визуал кичрайтиради. Шунингдек сизга трапеция шаклидаги кўйлаклар ҳамда битта елка боғичли кўйлаклар ярашади. Ажойиб вариант – бел чизиғи пастга (сонлар чизиғигача) туширилган кўйлаклар. Бунда урғу гавданинг тепасидаги кенг қисмидан пастдаги тор қисмига кўчади.
3 тур. Учбурчак: кенг сонлар ва анча тор елкалар
ПРОПОРЦИЯЛАРНИ МУВОЗАНАТГА КЕЛТИРИНГ. Бунинг учун елкаларни визуал кенгайтириб, урғуни кўкракка бериш керак. Ёки сонларни урф бўлган кенг силуэтли кўйлак ёрдамида яширинг. Асосий қоида – эътиборни сонларга қаратмаслик!
НИМА ТАНЛАШ КЕРАК: фонуссимон енгли ёки эркин тушиб турадиган енгли ҳамда елка боғичлари бир биридан узоқроқда жойлашган кўйлаклар. Қоматнинг нуқсонли жойларини яхши танланган мато ҳам яширади, масалан, енгил крепдешин. У жуда яхши ниқоблайди. Ахир сиз сонларингизни кенг силуэт билан яширишни истайсиз-ку? Бунинг учун тепа қисми эркин турадиган ёки катта думалоқ ёқали кўйлакларни танланг. Бу визуал равишда кўкрак ва елкаларни катталаштиради.
4 тур. Тўғрибурчак: елкалар деярли сонлар кенглигида, аммо бел гавдада унчалик билинмайдиган қомат.
ЭРКАКЛАР ГАВДАСИГА ЎХШАШ ҚОМАТ, шунинг учун “қум соат” силуэтини ҳосил қилишга уриниб кўрамиз. Асосий қоида – эътиборни белга қаратиш!
НИМА ТАНЛАШ КЕРАК: энли камар тақиладиган кўйлаклар. Бироз тепага кўтарилган ёки пастга туширилган бел чизиғи ҳам қоматингиз учун яхши топилма бўлади, чунки бу кўкрак ёки сонларга урғу бериб, қоматингизга назокатлик бағишлайди. Сизга нафақат бир хил рангдаги, балки гулли, масалан, хол-хол гулли кўйлаклар ҳам ярашади. Ажойиб вариант – бир-бирига кириб кетадиган (запахли) белида бироз торайган кўйлаклар. Ушбу силуэтлардан исталгани қоматингизга “қум соат” силуэтига ўхшашликни беради.
|
|
Категория: FOYDALI MASLAHATLAR |
Просмотров: 1719 |
Добавил: JAVOXIR
| Рейтинг: 1.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
.jpg)
