|
Ushbu she'rni mana shu saytning va forumning faol a'zosi Munavvarga yo'llayman.!!! Mana yana bir yil o’tibdi…
Bir yil!
Aytish oson ham ekan.
Bir yil emas, ming yildan buyon
Yuragimda unmoqda tikan.
Bir yil! Xafa emasman yildan,
Sizdan?
Aslo, olmang xavotir.
Garchand sizda oy chiqqan bo’lsa,
Men tomonda tong otayotir.
Kechagidan shodmonman bugun,
Kechagidan aqlliroqman.
Qolgani yo’q qaddim dol bo’lib,
Siz ko’nglimga solgan titroqdan.
Omon bo’ling, siz omon bo’ling,
Eslamaysiz meni bilaman.
Men bir eski dardingiz edim,
Yana qiynab nima qilaman.
Peshonangiz ajinlarini
Yashirmoqchi bo’lasizmi, a?
Million-million iztiroblarni
Yutib turib kulasizmi, a?
Axir aytdim, xavotir bekor,
Umringizdan uzoqdaman men.
Toki sizdan ayro ekanman,
O’zim qo’ygan tuzoqdaman men.
Omon bo’ling, siz omon bo’ling,
Ko’zyoshlarim bosadi zilday.
Sizga, menga daxli yo’q bu yil
Unut bo’lay shu eski yilday…
Omon bo’ling siz omon bo’ling.
Endi sen o’ylama mening to’g’rimda,
Balki to’qnashtirmas bizni yo’llar ham.
O’zimni shod tutib yurarman ammo
Men kabi mahzunmas majnuntollar ham.
Sabringni sinama bekordir-bekor,
Mavhum sahfalarni yopolmagaysan.
Garchand ko’rinsam-da asov, shiddatkor,
Menday sovuqqonni topolmagaysan.
Shoshqin daryolarni kuzat, entikkin,
Mavzu qil ming bitta yolg’on ertakka.
Beqaror yulduzga, oyga ko’z tikkin,
Baribir o’xshamas menday tentakka.
Shodlik izlarini topib ashkimdan,
Hayratga tushmagin, qotirmagin bosh.
Ovora bo’lmagin, axir rashkingda
Menday yuragingni kuydirmas quyosh.
Men kabi joningni yoqa olar kim?
Men kabi dardingga yo’q biror malham.
Men bitta sodiq do’st, bir noshud dushman…
Bo’ldi mahbubligim tan olgin sen ham…
Nozimu nafratim, erkaliklarim
Fosh bo’lar to seni o’ylagan sayin….
Ko’nglimga jim turib g’avg’olar solgan –
Menga ham dunyo yo’q boshqa SENDAYIN…
Ko’nglingni ko’rmoqchi bo’lib ko’zingga
Termulib-termulib turganim bekor.
Ba’zida adashib aytgan so’zingdan
O’zimcha ma’nolar terganim bekor.
Bekordir anglanmay qolgan tuyg’ular,
Yostiqqa yosh bo’lib qo’ngan tuyg’ular,
Bir kuni yulduzdek so’ngay tuyg’ular,
Ko’nglimning bag’rini tilganim bekor.
Tunlar oromimni buzgan jilmayish,
Ming turli savdolar tuzgan jilmayish,
Yuzingda vaqt-bevaqt suzgan jilmayish,
Mening-chi hamisha kulganim bekor.
Bekordir, shunchaki g’avg’o solganim,
Kimningdir dardini olmay, olganim,
Seni birooz yaxshi ko’rib qolganim,
Mening bu oydayin to’lganim bekor.
Bir kun bo’lib qolsam dilingning zori,
Bitta gul hovlining kulgan bahori,
Sen mensimay yurgan yigitning yori!!!??….
Ko’rib keyin afsus qilganing bekor
(umid qilamanki, meni taniding.!)
|
