1000 нафар эркаку аёл кўнгиллилар ўртасида ўтказилган тадқиқотлар жараёнида олимлар энг таъсирли фильмларни аниқлашга ҳаракат қилдилар.

Кўнгиллиларга турли фильмларнинг энг кульминацион нуқтага кўтарилган таъсирчан ва қалбни ларзага келтирувчи саҳналари қўйиб берилган. Уларнинг, ўз навбатида, қон босимининг кўтарилиши ва юрак уриши ритми кузатиб борилган. Шунингдек, нейропсихолог Дэвид Льюис бу жараёнда Буюкбританиядаги мия лабораториясида инсон онгига таъсир кўрсатувчи омилларни аниқлаб берадиган қурилмадан ҳам фойдаланган. Кўнгиллилар ўн дақиқа давомида кўплаб фильмларнинг энг таъсирли саҳналарини томоша қилишган. Томоша чоғида Льюис ва унинг ҳамкорлари электроэнцефалограмма ёрдамида қон томирларидаги босим ва юрак уришини диққат билан кузатиб боришди. Олимларнинг хулосаларига кўра, тажриба жараёнида энг юқори кўрсаткичга База Лурманнинг «Ромео ва Жульета» фильми картиналари эга бўлган. Ромео ва Жульетта ўлими билан боғлиқ саҳналар давомида кўнгиллиларнинг 20 фоизида юрак уриши ритми кескин кўтарилган. Майкл Кертицнинг «Касабланка» фильмида бу кўрсаткич 12 фоизни, Жерри Цукернинг «Арвоҳ» фильмида 10 фоизни ташкил этган. Бир нечта кўнгиллилар «Лаънати рақс»фильмидан жуда таъсирланишган.