 Odamlarning nasabiga til tekkizish
Abu G'urayra roziyallohu anhudan rivoyat qilinadi:
«Nabiy sollallohu alayhi vasallam:
«Ikki narsa bor. Ummatim ularni tark qilmaydi. Biri o'lganga yig'lash, ikkinchisi nasabga til tekkazish», dedilar».
Sharh: Bu ikki salbiy narsadan qo'rqish kerak. Bular juda ham yomon narsalar.
O'lganda aytib yig'lash mutlaqo mumkin emas. Bu ishni qilish Allo taoloning qazoi qadarini tan olmaslik deya baholanadi. Payg'amabrimiz alayhissalom o'lganga aytib yig'lashdan ko'pgina hadislarida qaytarganlar. Bu noshar'iy ishdan nafaqat yig'lagan shaxs balki, o'lgan ham ziyon ko'rishini ta'kidlab aytganlar.
Shuningdek, odamlarning nasabiga til tekkazib, bu haromdan bo'lgan, bu zinodan bo'lgan, bu falon bo'lgan, bu piston bo'lgan, degan gaplarni zinhor-va zinhor aytmaslik kerak ekan. Bu noshar'iy ishni qilgan odam ham katta gunoh qilgan bo'ladi. Chunki birovning nasabiga til tekkizish uning nasliga zino aralashganini da'vo qiilsh demakdir. Albatta, bu narsa musulmonlarda juda ham og'ir musibat hisoblanadi.
Xadisi sharifning umumiy ma'nosidan bu ikki nobaqbul ishga odamlar ko'proq mubtalo bo'lishlari ayon bo'lib turibdi. Shuning uchun ulardan alohida ehtiyot bo'lishimiz lozim bo'ladi.
|
