 Bir ustozim doimo bir fikrni aytadi- "Orzuingni amalga oshirish uchun bu orzu haqida faqat bo`sh vaqting bo`lganda yoki uxlash uchun yostiqqa bosh qo`yganingda emas, balki har on, har nafas o`yla, Allohdan so`ra, qalbingda va shu bilan birga ovoz chiqarib so`ra". Bu gapni o`zimcha tahlil qilarkanman, Allohga hamdu-sanolar aytib undan niyatlarim ijobat bo`lishini so`rayman. Chin ko`ngildan qilingan niyat ijobat bo`lishiga shubha yo`q. Shu o`rinda bir misol. Eng yaqin do`stim- Onamni qon guruhlari 2, shifokorlar onam turmushga chiqqanlaridan so`ng, qon guruhlari farzand ko`rish uchun ma`qul emasligi, ya`ni bolani vaqtidan avval tushib qolishi ehtimolini 100 foiz deb ta`kidlashgan. Lekin bu gaplarga e`tibor qilmagan va chin dilidan Allohdan farzand so`ragan onam 1 o`g`il va 2 qizni tarbiyalab, voyaga yetkazdilar, hozirda esa 3 o`g`il nevaraning buvisi bundan 30 yillar avvakgi shifokorlarning so`zlarini eslab, Allohga shukronalar aytib kelmoqdalr. Shunday ekan, yaxshi niyat qilaylik, niyatimiz ijobat bo`lishini Allohdan so`raylik.
Orzu - istaklarimiz amalga oshishini so`rashda albatta Inshaaloh deb aytish ham muhim.(buni hammamiz bilamiz, lekin bunga yana bir dalil sifatida holamning qizi bilan sodir bo`lgan voqeani aytib beray) Bu qiz o`zidan katta opasi turmushga chiqib ko`p qavatli uy honadoniga turmush o`rtog`i bilan ko`chib chiqqanda singlisi uni rosa kalak qilgan. Mehmonga borsa, doim " Qanday qilib yashaysiz bu 4 devor ichida,nafasim qaytib ketadi" derdi. Bunga javoban opasi "Unaqa dema balki san ham hovliga kelin bo`lmassan" degan so`zlariga u "Yo`q man faqat va faqat hovliga kelin bo`laman" deb qat`iy javob berardi. Ishonasizmi , yo`qmi bu qiz hozirda 2 farzandi va turmush o`rtog`i bilan 9 qavatli uyning 9-qavatida joylashgan 4 devor ichida baxtli hayot kechirmoqda....
|
