O’zbekiston Respublikasining yangi qonuniga ko’ra mp3 formatidagi qo’shiqlar, videolar hamda o’zbek estradasi yulduzlari haqidagi ma’lumotlar litsenziyaga ega bo’lmagan saytlarda qo’yilishi ta’qiqlab qo’yildi. Endilikda Mualliflarni va ijrochilarni haq huquqlarini himoya qiluvchi tashkilot bo’lmish Gildiya korporatsiyasi ushbu vazifani o’z bo’yniga olib, saytlarni qat’iy nazorat qilishga kirishadigan bo’ldi Gildiyaga a'zo bo`lgan barcha mualliflarni huquqlari ushbu tashkilot tomonidan himoya ostiga olinadi hamda biron muammo tug’ilgan vaqtda barcha muammolarni Gildiyaning o`zi hal qiladi. Ushbu yilning fevral oyidan boshlab barcha mp3 saytlari yopilib, faqatgina Gildiya bilan hamkorlikda ishlovchi saytlardangina estrada yulduzlari va shou-biznes olami haqida ma’lumotlar, mp3lar, kliplar ko’chirib olishingiz mumkin bo’ladi. Ushbu saytlar sanoqli bo’lib ikkita yoki uchtagina bo’ladi. Sayt foydalanuvchilari ushbu qo’shiqlarni faqatgina pullik tarzda ko’chirib olishlari mumkin bo’ladi hamda litsenziyasiz tarqatmaslik majburiyatini oladilar. Bundan buyon o’zbek qo’shiqlarini ko’chirib olish imkoniyati mavjud emas. Biroq chet el estradasi haqida ma’lumotlar qo’yib boriladi hamda chet el musiqalarini ko’chirib olish imkoniyati hali hanuz sizda mavjud. Keltirilgan noqulayliklar uchun sayt raxbariyati uzr so’raydi. Ashaddiy muhlislarimizning ushbu ma’lumotdan keyin ham fikrlari o’zgarmaydi hamda saytga kirib borishni kanda qilishmaydi degan umiddamiz!
