Ҳозирга қадар астрофизиклар Марсда муз юқори кенгликлар остида жойлашган деган фикрга келган эдилар. НАСАнинг “Mars Reconnaissance Orbiter” зондида ўрнатилган юқори сифатли камера ёрдамида эса музни экваторга анча яқин жойларда ҳам учратиш мумкинлиги исботланди.
“Science” журналида ёзилишича, таркибида ғубор бир фоиздан ҳам кам бўлган жуда соф муз бешта кратерда, қирқ беш сантиметрдан икки ярим метргача бўлган чуқурликда топилган. Аризона Университети ходими Шейн Бирннинг эътироф этишича, топилган муз Марсда атиги бир неча минг йиллар аввал сўлим ҳаво бўлганидан далолат беради.
