|
Мутахассислар вақти-вақти билан ёки мунтазам равишда
хотинига хиёнат қилиб турадиган эркакларни уч тоифага бўлишади. Улар
қуйидагилар:
1. "Имкон изловчилар". Бу тоифа эркаклар имкон туғилиб
қолса, бегона аёл билан кўнгилхушлик қилиш имкониятини қўлдан
чиқармайдилар. Шу боис бундай эркакларнинг турмуш ўртоқлари эрида ана
шундай имконият пайдо бўлмаслиги учун ҳаракат қилишлари керак.
2. "Дон-жуанлар". Хушмуомала, эътиборли, ширинсуҳан
эркак. Деярли ҳар бир аёл ёнида мана шундай эркак бўлишини орзу қилади.
Табиийки, "Дон-жуан"нинг тўрига тушган аёл у тақдим этаётган гуллар,
ширин сўзлар, эътибор фақат менга аталган, деб ўйлайди. Аммо бу хом
хаёлдан бошқа нарса эмас. "Дон-жуан" ўзига ёқиб қолган барча аёллар
билан худди шундай муносабатда бўлади. Маълум вақт ўтгач, у ушбу аёлдан
чин маънода зерикиб, бошқасининг бошини айлантириш пайига тушиши тайин.
3. "Коллекционерлар". Бундай эркаклар ўзларига бўлган
ишончсизлик ва ижтимоий муаммоларини маъшуқалари сонини кўпайтириш
ҳисобига қоплашга уринадилар. Шу боис бу каби эркакларга оиласида ўзини
бошлиқ ва хўжайин сифатида ҳис этиши учун имконият ва шароит яратиб
бериш лозим. Қолаверса, хотини уни дўстлари ва бегона эркаклар олдида
кўпроқ мақтаб туриши керак. Шундагина хиёнатнинг олдини олиш мумкин
бўлади.
Маълумот ўрнида шуни айтишни истар эдикки,
тадқиқотларнинг кўрсатишича, ажралишларнинг аксарият қисми(70 фоизга
яқини) эр-хотин тенгдош бўлган ёки фарқ бир ёшдан ошмайдиган оилаларда
юз берар экан. Эр хотинидан 5-7 ёшга катта бўлган оилалар энг мустаҳкам
бўлиши аниқланган.
| 
