|
Юз терисининг салқиб, оқариб қолиши асосан
авитаминоз - яъни организмда витаминлар етишмаслиги натижасида юз
беради. Бу асосан қиш, баҳор фаслларига тўғри келади.
Агар юзингиз ранги тиниқ, шафтоли гули сингари майин
бўлишини истасангиз, витаминларга бой маҳсулотларни истеъмол қилинг. Бу
маҳсулотлар организмингизда қон алмашиниш жараёнини яхшилаб, юз рангига
ижобий таъсир кўрсатади.
Демак, таомномангизни қуйидаги тавсияларга амал қилган ҳолда тўлдиришингиз мумкин:
Кунингизни "Гўзаллик сири” салати билан бошланг.
Таркиби: 1/3 стакан сули ёрмаси, 1-2 чой қошиқ асал, бир дона лимон
шарбати, тўрт дона ёнғоқ, қирғичдан ўтказилган олма ва ярим чашка сут.
Ҳар куни янги тайёрланган шарбат истеъмол қилинг. Агар шарбат сабзи ёки олмадан тайёрланган бўлса янада яхши.
Бармоқларингиз ёрдамида юзларингизни енгил ҳаракатлар билан уқаланг. Бу
нафақат юзингизда қон юришини яхшилайди, балки тери рангига ижобий
таъсир ўтказиб, муддатидан олдин ажин тушишининг ҳам олдини олади.
Айтганча, ўзингиз ҳам билсангиз керак, бодринг, кўкат ва сут
маҳсулотларидан тайёрланган ниқоблар юз терисига ижобий таъсир
кўрсатади. Жигар ва ошқозон-ичак касалликларидан эҳтиёт бўлинг, чунки
айнан ана шу касалликлар энг аввало терида намоён бўла бошлайди.
Макияжнинг юз терисига таъсири
Кўп аёллар упа, румяналарни тўғри танлай олмай, макияж қиламан деб,
ўзларини хунук кўрсатиб қўядилар. Румяна харид қилаётганда оч пушти,
шафтолиранг хилини танлашга ҳаракат қилинг. Чунки айнан шундай ранглар
юзингизни табиий ва гўзал қилиб кўрсатади.
|
