Примадонна ижод қилишдан тўхтамайди. Янги қўшиқлар
"қайнар хумча”дан чиққандек яралаверади. Ўтган йилнинг ўзида бир йўла иккита
альбомни мухлислари ҳукмига ҳавола этган
Юлдуз яқин кунларда яна бир янги тарона яратди. Қўшиқ мусиқаси маҳзун. Мазмуни
эса фалсафий. Тинглайсиз-у, қилаётган ишларингиз, яхшилик ва ёмонлигингиз
ҳақида ўйланиб қоласиз. Маълумотларга қараганда, Усмонованинг ушбу қўшиғи
туғилган кунидан бир кун олдин "таваллуд” топди! 12 декабр куни, "Киз кулеси”
ресторанида меҳмонлар учун жонли ижрода куйланган бу тарона ҳали студияда
ёзишга ҳам улгурилмаганди. Бироқ, таржимонсиз юракка етиб борган қўшиқ айни
пайтда кенг омма учун тайёрланяпти. Янги таронани интиқлик билан кутамиз!
(Тахминий сўзлари шундай эди: "Соатлар
чалади...тик-так, Умр ўтаверар динг-донг...”)
