|
Букингем саройи навбатдаги йиллик бухгалтерия ҳисоботини эълон қилди. Ҳисоботга кўра, Британия қироличаси ва унинг оиласи ҳар бир британ солиқ тўловчисига йилига 66 пенс (тахминан 1,3 АҚШ доллари)дан тушиши маълум бўлди. ВВС тарқатган маълумотга кўра, бу ўтган йилга нисбатан 4 пенсга кўп экан.
Ўтган йили қироллик оиласи учун жами 40 миллион фунт стерлинг сарфланган бўлиб, расмийлар берган маълумотга кўра, асосий маблағ хориж сафарлари ва саройни таъмирлаш учун ишлатилган.
Қироличанинг ўтган йил май ойида биринчи европаликларнинг Америкада ўтроқлашганига 400 йил тўлгани муносабати билан АҚШга қилган саёҳати энг қиммат сафар бўлиб, ижарага олинган самолётнинг ўзига 400 минг фунт стерлинг сарфланган.
Харажатларнинг ортганлигига қарамай, Букингем саройининг таъкидлашича, қироллик оиласининг йиллик таъминоти учун сарфланадиган пул ҳар бир фуқарога бир литр сут ёки МР3 учун бир дона мусиқа юклаб олишдан арзон туради.
Manba.7x7
|
