Хар йили бутун дунёда ўпка кўчириб ўтказиш бўйича минглаб жарроҳлик амалиётлари ўтказилади. Донор кутиш эса 2-3 йилгача чўзилиши мумкин.
Афсуски, барча беморлар ҳам ўз навбатларига етиб бора олишмайди. АҚШ олимларининг янги кашфиётлари ушбу вазиятни ўзгаришига ва навбат кутиш ўтмишда қолишига умид бермоқда.
Техас университети тиббиёт факультети мутахассислари илк бор одам ўпкасини лабаратория шаротитида ўстиришди.
Сўнгги йилларда одам органларининг сунъий ўстириш бўйича катта ривожланиш кузатилди. Буларнинг барчасига асосан тана ҳужайралари билан революцион ишлар орқали эришилди.
Олимлар бахтсиз ходиса туфайли ҳалок бўлган икки ўсмирнинг ўпкасини олишган. Биринчисининг ўпкасини фақатгина эластин ва коллагендан бўлган ўпка каркасини қолдиришган. Кўчириш учун яроқсиз ҳолатда бўлган иккинчи ўпкадан эса фақатгина соғлом ҳужайралардан олишган ва ўпка шаклини келтирувчи махсус қолибга ўрнатиб, ўстирувчи эритмага солиб қўйишган. Тўрт ҳафтадан сўнг эса ҳужайралар ўсиб, тўлақонли ўпкага айланган. Уларни хақиқий ўпкадан фарқи фақатгина рангидир.
Буни текшириш учун олимлар бу йўлни бошқа органлар билан қайтадан амалга оширишди ҳамда муваффақиятга эришишди. Тадқиқот вакилларининг айтишларича, улар бир йил аввал ушбу натижаларга эришишган, аммо оммага хабар беришга шошилишмаган.
Ҳозирча, ушбу ўпкалар одамга ўтказилганда қандай ишлаши ҳақида бир нарса дейиш қийин. Бу йил шифокорлар чўчқалар орқали тажриба ўтказиб кўриш ниятидалар. Клиник тажрибалар эса фақатгина 5 йилдан сўнг, шифохоналарда эса 12 йилдан сўнг ўтказилиши таҳмин қилинмоқда.
