2008 йилга қадар Италия С1 Серияси деб аталиб келинган Lega Pro Prima Divisione‘да биринчи давра баҳслари якунига етди. Ўзбекистонлик Илёс Зейтуллаев тўп сурувчи Ланчьянонинг «Виртус Ланчьяно» клуби 18 учрашувдан кейин 24 очко тўплаган ҳолда 9-ўринни банд этган. 18 клуб иштирок этадиган лигада Зейтуллаевнинг собиқ клуби «Хеллас Верона» 33 очко билан пешқадамлик қилмоқда.
«Виртус Ланчьяно» биринчи даврадаги сўнгги учрашувни B cерия йўлланмаси учун курашда асосий рақибларидан бири бўлган «Реджиана»га қарши ўтказиб, ўз майдонида 1:5 ҳисобида имкониятни бой берди. Ушбу учрашувда Зейтуллаев жароҳат сабаб захирага ҳам киритилмади.
Умуман олганда, Зейтуллаев Италиядаги ўзининг саккизинчи клубида 2009/2010 йилги мавсумда жами 9 учрашувда майдонга тушиб, майдонда умумҳисобда 222 дақиқа ҳаракат қилди. Ўзбекистон ёшлар ва миллий терма жамоасида ҳужумчилар ортида ҳаракат қилган ярим ҳимоячи ўз ҳисобига биронта гол ёзиб қўймаган.
BATAFSIL
