Главная » 2009»Октябрь»6 » IFFHS РЕЙТИНГИДА КЛУБЛАРИМИЗ БИР НЕЧА ПОҒОНА ЮКОРИЛАШДИ!
21:31
IFFHS РЕЙТИНГИДА КЛУБЛАРИМИЗ БИР НЕЧА ПОҒОНА ЮКОРИЛАШДИ!
Халқаро футбол тарихи ва статистикаси федерацияси – IFFHS, дунё клубларининг янги рейтингини эълон қилди.
Сентябрь ойи якунлари бўйича тузиб чиқилган рейтингда “қалдирғочлар” 64-ўриндан жой олишган. Бу олдинги ойдаги рейтингдан бир поғона юқори деганидир.
Япониянинг “Гамба Осака” (дунёда 42-ўрин) клуби қитъамизнинг ҳамон биринчи рақамли жамоаси бўлиб турибди. Биз ҳам қитъадаги иккинчи ўрнимизни сақлаб қолганмиз.
МДҲда эса “Шахтёр” (6), “Динамо” (Киев; 18), “Металлист” (29), ЦСКА (31) жамоаларидан кейинги бешинчи поғонани эгаллаб турибмиз.
Дунё клубларининг 350талик топ-рейтингидан мамлакатимизнинг учта жамоаси ўрин олган. “Бунёдкор” – 64-ўрин, “Пахтакор” – 102 ва “Нефтчи” – 229.
Дунё клублари рейтингини Англиянинг “Манчестер Юнайтед” клуби бошқариб турибди. Иккинчи поғонани Каталониянинг "Барселона" клуби эгаллаган. Яқинда Жанубий Американинг Либертадорес кубогини қўлга киритган Аргентинанинг “Эстудиантес” клуби ўтган ойдаги эгаллаган 3-поғонасини "Челси"га бўшатиб берди.
