| Статистика |
XOZIR SAYTDA 9 MEXMON 9 FOYDALANUVCHI 0 |
|
 | |  |
| Главная » 2014 » Январь » 20 » Google “aqlli” kontakt linzalar ishlab chiqdi Texnologiyalar
20:17 Google “aqlli” kontakt linzalar ishlab chiqdi Texnologiyalar |
Qandli diabet kasalligiga chalinganlar uchun Google korporatsiyasi maxsus "aqlli” kontakt linzalarni taklif etmoqda. Bu loyiha haqida Google blogida so‘z yuritilgan.
Mazkur linza qand kasalligi borlar uchun o‘ta muhim ko‘rsatkichni, ya’ni qondagi glyukoza miqdorini muntazam tarzda o‘lchab tura oladi. Buning uchun linza kishining ko‘z yoshi tarkibini har bir soniyada tahlil etib, olingan ma’lumotlarni tashqi qurilmaga uzatib boradi.
Re/code ta’kidlashicha, "aqlli” kontakt linzalar plastikka o‘xshash bio-moslashuvchi materialdan ishlangan. Unda o‘ta mitti sensor, antenna va chip joylashtirilgan. Linza ishlashi uchun kerakli elektr energiyasini radiokanal orqali tashqi qurilmadan oladi. Qondagi qand miqdori haqidagi ma’lumotlar ham shu radiokanal orqali uzatiladi.
"Aqlli” kontakt linza yaratuvchilari kelajakda unga mitti yorug‘lik manbai ham ulashlari mumkin, uning yordamida qondagi qand miqdori o‘ta oshib yoki juda pasayib ketganligi haqida ogohlantiriladi. Bunday tashvish xabarlari hatto ko‘z yumuq bo‘lgandayam ishlayveradi.
Google ta’kidlashicha, "aqlli” kontakt linzalar bozorga chiqishiga ancha bor. Korporatsiya mahsulot ustida ilk tibbiy tadqiqotlarni boshlagan, ammo hozirda tibbiy uskunalar ishlab chiqaruvchilari orasidan hamkor izlayapti. Zero, hali uskunani yanada takomillashtirish, uning uchun bemorni va shifokorni ogohlantiruvchi maxsus dastur ishlab chiqarish lozim.
Qandli diabetga chalinganlar uchun kontakt linzalar loyihasi Google[x] – korporatsiyaning maxfiy laboratoriyasida ishlab chiqildi. Mazkur laboratoriya kutilmagan texnologiyalarni ishlab chiqarishi bilan tanilgan. O‘z-o‘zini boshqaruvchi avtomobillar va biz xabar bergan Google Glass ko‘zoynaklari ham ayni shu Google[x] laboratoriyasida dunyoga kelgan.
Yer yuzida har 19 kishidan biri qandli diabet kasalligiga chalingan. Jiddiy oqibatlar kelib chiqmasligi uchun, bunday bemor o‘z qonidagi qand miqdorini muntazam tarzda tekshirib borishi darkor. Bu ko‘proq an’anaviy usulda amalga oishriladi – barmoqdan qon olib, tekshiriladi, shuningdek, teri ostiga kiritib qo‘yiladigan, tashqi qurilma bilan bog‘lanuvchi sensorlar ham mavjud, deya qo‘shimcha qiladi TJournal. Google’ning yangi texnologiyasi esa bu borada katta burilish bo‘lishi mumkin.
|
|
Категория: QIZIQARLI |
Просмотров: 676 |
Добавил: ABDULAZIZ
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
