|
Хозирги кунга келиб ўзбек шоу-бизнесида
ўз ўрнига эга бўлиб бораётган ёш иқтидор эгаси Даврон Зайнутдинов билан
боғлиқ бўлган сенсацион ва умуман ақлга сиғмайдиган янгилик эгасига
айландик. Хох буни миш-миш сифатида, хох хақиқат сифатида қабул килинг,
лекин юқоридаги сўзлар факт эканлигига ўзимиз ҳам аста секин ишона
бошладик. Маълум бўлишича ўзбек эстрадасида ўрин эгаллашга астойдил бел
боғлаган Даврон Зайнутдинов асли келиб чиқиши туркиялик экан. Бу
маълумот бир қарашда у қадар сенсацион деган тушунча учун ярамайди.
Аммо хаммаси ана энди бошланади.
Давроннинг мухлисларига шу нарсани маълум қилмоқчимизки у Туркия ва
умуман жахон шоу-бизнесида катта шухрат қозонган Мустафа Сандалнинг
фарзанди экан. Ана энди сизда биринчи бўлиб туғилган саволга жавоб
беришга уриниб кўрамиз. Яъни, агар у Мустафа Сандалнинг фарзанди бўлса
ва бундан ташқари у туркиялик бўлса нима учун ўзбек эстрадасида ижод
қилмоқда? Бизгача етиб келган маълумотларга таянадиган бўлсак, бунга
Давроннинг отаси Мустафа сабабчи экан. Бошқача қилиб айтганда, Мустафа
Сандал фарзандининг қўшиқчилик соҳасида иш олиб боришига тиш-тирноғи
билан қарши бўлган ва санъатсиз яшай олмаслигини тушунган Даврон турк
миллатига анча яқин бўлган халқ, яъни ўзбек эстрадасида ижод қилишга
қарор қилади ва Ўзбекистонга турист сифатида ташриф буюради. Бу ерга
келган Даврон эса тезда шу йўналишда иш олиб бораётган соҳа вакиллари
билан танишиб, вақтни зоя кетказмасдан ижодга киришади. Хозир эса
Давроннинг ижод махсуллари сўзсиз ўз мухлисларини топиб бормоқда.
Лекин, бизни яна бир масала жуда қизиқтириб колди – Давроннинг
Ўзбекистонда ижод қилишига Мустафа Сандал қандай қарамоқда, агар
Даврон Зайнутдинов асли туркиялик бўлса, у холда унинг асл исм-шарифи
қандай бўлади? Бу масалага ҳам яқин кунларда ойдинлик киритишга албатта
харакат қиламиз.
|
