
Билиб куйган яхши
ПУЛЬТНИ КИМ ЯРАТГАН?
Диванда ёстиққа суянганча ўтириб телевизор кўриш қандай
яхши. Аммо тез-тез ўриндан қўзғғолиб, дастурни алмаштиришга эринасиз.
Шунда дарҳол "Пультни бер" дейсиз. Пульт Сизга беминнат хизмат қилади.
Бироқ уни ким яратганини биласизми? Телевизорни
масофадан туриб бошқарадиган шу пультни 1956 йилда немис муҳандиси
Роберт Адлер ихтиро қилган.
Кейинчалик у ўз ихтиросини такомиллаштира бориб, ультра
товуш ва инфра қизил нурлардан фойдаланишга ўтган. Ҳозирги пухта
пультлар 1980 йилдан муомалага кирган.
Ихтирочи пультни яратиш ва уни такомиллаштириш борасидаги изланишлари учун 180 та патент олишга эришган.
ТОШКЕНТ КУРАНТИ ҚАЧОН ҚУРИЛГАН?
Мамлакатимиз пойтахтига борсангиз, Амир Темур
хиёбонидан ўта туриб соатнинг ажойиб жарангини эшитасиз. Бу Тошкент
курантининг жарангидир.
Ушбу иншоот қурилиши 1946 йилда бошланиб, 1947 йилнинг
апрель ойида битказилган. Бунда меъмор А.Муҳамедшин ва Уста Ширин
қатнашганлар.
Курантнинг соати Германиядан келтирилган. Соатни
А.Аюзенштейн, Л.Маликов, Т.Стрельцов, В.Солиев, А.Хитсанлардан иборат
соатсоз мутахассислар ўрнатишган.
Иншоотнинг баландлиги 28,7 метр, ўлчови ҳажми 4,1х4,1
метр. Бино ичкарисида соатни юргизадиган ва созлайдиган механизм бор.
Унга зинапоя билан чиқилади.
Курант ва унинг атрофи пойтахтнинг диққатга сазовор жойларидан биридир.
АРЧАЗОРНИНГ ФОЙДАСИ
Бир гектар арчазор табиатга бир йилда 6-14 тонна
кислород етказиб беради, инсон учун зарарли 15-20 тонна ис газини
ютади, теварак-атрофни 15 тоннагача чанг-ғғубордан тозалайди.
ЧУМОЛИ ТУХУМИ СЕВИМЛИ ТАОМ
Мексикалик олимларнинг фикрича, одам юздан ортиқ
турдаги хашоратни истеъмол қилар экан. Уларнинг организмидаги протеин
ва витаминлар тўйимлилиги жиҳатдан гўштнинг ўрнини бемалол боса олади.
Бу юртда чумоли "тухуми" ҳам севиб истеъмол қилинади,
унинг туси ва мазаси оддий икраникидан фарқ қилмайди. Шу сабаб у
"Мексика икраси" деб аталмоқда.
|