1.     Саройда илк маротаба қандай тамоша тақдим этилган ?

—- Саройда биринчи бўлиб сарой  қурувчилари  учун концерт  намойиш этилган.

3. Концерт қандай кечган ?

—–Жуда ажойиб ўтган. Ўша куни жуда қаттиқ ер силкиниши содир бўлганди.

4. Ушбу концерт нечинчи йилларга тўғри келган ?

——Адашмасам , 1980 – йиллар эди.

5. Саройнинг кечаги ва бугуни ўртасидаги фарқи нимада деб ўйлайсиз ?

——Олдинлари масалан Мустакил бўлишимизга қадар саройда концертлар кам уюштирилган.Чунки ўша пайтларда фақат катта форумлар, қурултойлар тақдим қилинарди.

6. Нарх – наво масаласидаги бошқа саройлардан фарқичи ?

——   Фарқи, ижара нархининг пастлигида . Биз сарой ижара нархини 2003-йилдан бери оширмаймиз.Шунга қарамасдан концертлар сони етарли эмас.

7. Саройда нечта ходим хизмат қилади ?

—— Саройда  180 дан ортиқ ишчилар хизмат қилади.

8. Сизнингча ушбу саройни устки дизайнини ўзгартириш вақти  келмадимикан ?

—— Йўқ. Сабаби , cарой асли мар-мардан қурилган.Бунақа  саройлар  асрларга,  келажак авлод учун қурилади. Сарой чинакамига саньат асари бўлиб қолган.

9- Саройни бошқа саройлардан фарқи нимада деб уйлайсиз ?

—– Авваламбор уни нуфузи , хашаматли кўриниши билан фарқ қилади деб ўйлайман. Марказий Осиёда бу сарой яккаю – ягона хисобланади.

10. Сарой неча ўриндиқдан иборат .

—— 4000 ўриндиқдан иборат.

11. Саройни бу каби буюк , машхур , Ўзбекистондаги энг нуфузли саройлардан  бири бўлишига кимлар ва нималар сабаб деб ўйлайсиз ?

——- Авваламбор халқ деб ўйлайман.Сабаби бу сарой катта хашар туфайли бунёд бўлган десам муболаға бўлмайди.

12. Машхур саньаткорларни концертида , касса бўлимида   чипталар тез фурсатда тугаб қолади , лекин сарой ёнидаги ,   саройга алоқаси бўлмаган шахслар томонидан чиптанинг   нархи 2 , 3 баробар қиммат кўринишда сотилади.

Нахотки бу каби холатларга чек қўйиш мумкин бўлмаса ?

—– Бу муаммо юзасидан кўп чоралар кўрилган.Лекин  халигача  бу холатларга 100 % чек қўёлмадик.Аниқ қилиб   айтадиган бўлсам , олиб-сотарларга нисбатан қонунда жазо  йўқ.Лекин хар бир концертда  қўлдан келганча харакат  қилмоқдамиз.

13. Ўз концертини хақиқий ” шоу ” даражасига етказа оладиган саньаткорлардан кимларни айта оласиз ?

—— Озодбек Назарбеков , Гулсанам Мамазоитоваларни айтишим мумкин.

14. 2009-йилда энг омадли концерт кимга насиб қилди.

—- Яна ўша Озодбек Назарбеков .

15. Кимники омадсиз , яьни ўз томошабини йиға олмаган саньаткорлардан кимларни айта оласиз ?

—– Бу хақида маьлумот беришга хаққим йўқ . Сабаби бу  маьлумотларим ўша саньаткорга нисбатан душманлик қилганлигимни билдиради. Вахоланки хар бир саньаткор мен учун қадрли .

16. Саройга ташриф буюрган хар бир томошабин бугунги кундаги эшитиш , кўриш одоби қай ахволда деб ўйлайсиз ?

—–Жуда ёмон. Авваламбор томошабин ўзини хурмат  қилмайди.Кейин концертларга кечикиб келади. қонун хаммага бирдек бўлиши керак.Концерт 19-00 да бошланадими , демак  шу вақтга етиб келиши керак.Ундан  кейин сарой эшиклари ёпилади.

Биз , яьна ўзбекчиликка  борамиз.Хар холда чиптани пулга сотиб олган.Шунинг учун бу холат албатта одобсизликка  киради.Залга кириб , токи ўзини ўриндиғини топгунига   қадар,бошқа томошабинни фикрини , томошага нисбатан бўлган эьтиборини бузади.

17. Концерт вақтида хеч сарой  жихозлари панд бериб қўйганми?

—–Йўқ , хеч качон сарой бу каби хатоликка йўл қўймайди.

18. Шахсан ўзингиз саройга қандай ўзгартиришиш киритган бўлар эдингиз ?

——-Авваламбор ички механизмларини янгилардим , лекин бунинг учун жуда катта маблағ керак .

19. Бугунги кунда саройда концерт бериб , томошабинни тўлиб  тошиши учун санаткорга нималар керак ?

——Энг асосийси реклама . Бугунги кунда концертларни рекламасиз тассавур қилиш қийин . Яна сермахсул ижод қилиш керак деб ўйлайман .

20. Шахсан ўзингиз қайси санаткорларни концерти , ижодини юқори бахолайсиз?

——–Ялла гурухи , Мансур Тошматов , Севара Назархонларни айта оламан.

21. Сарой тарихида энг қиммат сотилган чиптанинг  нархи қанча эди ?

——350 минг сўм.

22. Кимнинг концерти эди ?

——Ирина Алегрова- . Бу каби қиммат бўлишига сабаб четдан  келган санаткорларнинг харажатлари хам қиммат бўлганлигида.

23. Кўпчилик санаткорлар концертдан моддий фойда кўрмаймиз , концерт биз учун фақат реклама вазифасини    ўтайди дейишади.Сизнингча санаткорлар ўз концертларидан моддий фойда кўришадими ?

——Хақиқатдан концертлардан моддий фойда кўриш қийин масала . Чунки концертларни ташкиллаштириш учун жуда катта маблағ керак бўлади. Биринчи навбатда реклама .

24. Cир бўлмаса , рекламаларнинг нархи қанча ?

——-Телевиденяда бир дақиқа реклама учун 2500 евро , радиода эса  дақикасига 60 дан 100 еврогача . Кунига 2-3 маротаба концерт рекламаси берилади . Хисоблаб кўрилса асосий харажат  рекламага сарфланади. Концертларда ўртача  чиптанинг нархи 10 минг сўмни ташкил этади. Албатта моддий фойда кўриш қийин масала.

25. Шу  кунларда кимнинг концерти оммага хавола этилмоқда?

——Гулсанам Мамазоитованинг концерти , 22 – 27 январь кунлари.

2009-йил концертлар тахлили  бўйича , саройнинг бошқа ходимларидан олган маьлумотларим қуйидагича.( қисқача)

Омадли концертлар.

—Райхон – доимгидек ўз концертини февраль ойида тақдим  этди.Концерт 4 кун намойиш этилган бўлса, бу кунларнинг   барчасида  сарой  мухлислар ва томошабинга тўлиб  тошди. 2009-йилдаги илк омадли концерт , Райхонга насиб қилди дейиш мумкин.

—Ўз мухлисларини концерт борасида соғинтириб қўйган  ”Болалар” гурухи яккахони Тохир Содиқов 2009 – йил 21,22   февраль саналарида (Юра Шатунов билан бирга) навбатдаги  концертини тақдим этди. Кўпчилик мухлисларга 2009 –йил  учун ”Болалар”дан  ажойиб совға бўлди.

—Озодбек Назарбеков . 2009-Йилдаги энг кўп муддатли(20 кун) ва энг кўп мухлис йиға олган концерт сохиби.

Бекор қилинган концертлар .

— ”Божалар” гурухи.

— Феруза Жуманиёзова.