Yodingizda bo'lsa, 1 may kuni o'zining "Sen ketma" taronasining taqdimotini FM to'lqinlari orqali muvaffaqiyatli amalga oshirgan "New Star" Media prodyuserlik markazida faoliyat olib borayotgan "Bayon" guruhi, kuni kecha aynan shu taronasi uchun ishlangan video klipni TVM kanali orqali taqdim qildi... Bugun sizning e'tiboringizga klipni suratga olinish jarayonidan eksklyuziv fotosuratlarni havola qilamiz...
Tan olish kerak, "Bayon" guruhi a'zolari Oybek hamda Ma'mur tomonidan ijro qilingan "Sen ketma" qo'shig'i qisqa muddat ichida juda ommalashdi. Maxsus klip esa rejissorlar Rustam Murodov va Andrey Aryutyunov tomonidan "Aydarko'l" soxillarida suratga olingan. Klip juda ham go'zal kadrlarga boy va original ko'rinishdaligi bilan shu kungacha yaratilgan kliplardan farq qiladi. Tez orada "Bayon" guruhining "Sen ketma" taronasiga ishlangan klipni portalimiz orqali ko'chirib olish imkoniyatini siz azizlarga taqdim qilamiz. Hozircha esa fotosuratlarni tomosha qilishingiz mumkin.
