Baht… U nima o’zi… Uni har kim turlicha tushunadi.
Kimdir uni javon to’la kiyim-kecha, kimdir behisob boylik, yana kimdir
esa uni boshqa narsa deb tushunadi. Ha, baxtni bir so’z bilan anglab bo’lmaydi. Uni turli o’ylarda, fikrlarda, turli narsalarda ko’rish mumkin. Men ham baxt mavzusi xususida o’ylab ko’rishga qaror qildim. O’yladim ham va shu xulosaga keldim : men uchun dunyoda kimgadir kerakligingni his qilib yashashdan ortiq baxt yo’q !
"Men yashayapman, lekin kimga keragim bor? Men ham kim uchundir
baxtmikinman? Meni kimdir yaxshi ko’rib, izlarmikan? Men
baxtlimikanman?” Insonni umr davomida mana shunday adog’i yo’q
savollar qiynaydi. Hamma ham kimgadir kerak bo’lishni istaydi. Kimgadir
kerak bo’lish… Biroq, kimgadir kerak bo’lishdan oldin inson
harakat qilishi kerak emasmi? Unga yordam berishga, kerak paytida
asqotishga harakat qilish zarur emasmikan? Hayotda yozilmagan
qonunlar ko’p. Shunday qonunlardan yana biri esa "Birovga kerak
bo’lishdan oldin kimdir senga kerak bo’lsin”. Endi shu yozilmagan
qonunni tahlil qilib ko’ramiz. Ko’z oldimizdan bizga yaqin bo’lgan,
bizga nafi tekkan va eng muhimi biz uchun kerak bo’lgan insonlarni
o’tkazib ko’ramiz. Ha, ular bizga kerak. Lekin, faqat kerakmi? Kerak bo’lganda ham qanday kerak?
Ular bizning hayotimiz davomida ko’makchi bo’lishlari, yordam
berishlari, dalda bo’lishlari uchun va bir kun kelib biz ham ularga
kerakli bo’lishimiz uchun kerak. Tushundik, ular bizga kerak, keyin-chi?!
Umr davomida ular bizga kerak, degan xulosa bilan o’tavermaymiz-ku…
Demak, biz ham ularga kerakli bo’lishga harakat qilishimiz kerak.
Biroq, qanday qilib?! Ularga lozim paytda yordam qo’lini cho’zib,
qiyin paytda dalda bo’lib, qanday qiyinchilik bo’lsa hamroh bo’lib,
"suv kelsa simirib, tosh kelsa kemirib” yashashimiz kerak. Ulardan ham
avval esa ular bizga kerakligini, odamlarsiz—yaqinlarsiz hayot hayot
emasligini bildirishimiz kerak. Mana, biz ularga ular bizga kerak ekanliklarini anglatdik. Endi birga harakat qilamiz. Sabr qilaylik, xuddi biz qilgan yaxshilikni kimdir bizga qiladi!!! Sizga kimdir kerak ekan, demak, siz ham kimgadir keraksiz.
